੬. ਛਟ੍ਠਵਗ੍ਗੋ
੨੪੮. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਉਪਾਸਕਾਨਂ ਪਠਮਂ ਸਰਣਂ ਗਚ੍ਛਨ੍ਤਾਨਂ ਯਦਿਦਂ ਤਪੁਸ੍ਸਭਲ੍ਲਿਕਾ [ਤਪਸ੍ਸੁਭਲ੍ਲਿਕਾ (ਸੀ. ਪੀ.)] ਵਾਣਿਜਾ’’.
੨੪੯. … ਦਾਯਕਾਨਂ ਯਦਿਦਂ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ.
੨੫੦. … ਧਮ੍ਮਕਥਿਕਾਨਂ ਯਦਿਦਂ ਚਿਤ੍ਤੋ ਗਹਪਤਿ ਮਚ੍ਛਿਕਾਸਣ੍ਡਿਕੋ.
੨੫੧. … ਚਤੂਹਿ ਸਙ੍ਗਹਵਤ੍ਥੂਹਿ ਪਰਿਸਂ ਸਙ੍ਗਣ੍ਹਨ੍ਤਾਨਂ ਯਦਿਦਂ ਹਤ੍ਥਕੋ ਆਲ਼ਵਕੋ.
੨੫੨. … ਪਣੀਤਦਾਯਕਾਨਂ ਯਦਿਦਂ ਮਹਾਨਾਮੋ ਸਕ੍ਕੋ.
੨੫੩. … ਮਨਾਪਦਾਯਕਾਨਂ ਯਦਿਦਂ ਉਗ੍ਗੋ ਗਹਪਤਿ ਵੇਸਾਲਿਕੋ.
੨੫੪. … ਸਙ੍ਘੁਪਟ੍ਠਾਕਾਨਂ ਯਦਿਦਂ ਹਤ੍ਥਿਗਾਮਕੋ ਉਗ੍ਗਤੋ ਗਹਪਤਿ.
੨੫੫. … ਅਵੇਚ੍ਚਪ੍ਪਸਨ੍ਨਾਨਂ ਯਦਿਦਂ ਸੂਰਮ੍ਬਟ੍ਠੋ [ਸੂਰੋ ਅਮ੍ਬਟ੍ਠੋ (ਸੀ. ਸ੍ਯਾ. ਕਂ. ਪੀ.) ਸੁਰੇਬਨ੍ਧੋ (ਕ.)].
੨੫੬. … ਪੁਗ੍ਗਲਪ੍ਪਸਨ੍ਨਾਨਂ ਯਦਿਦਂ ਜੀਵਕੋ ਕੋਮਾਰਭਚ੍ਚੋ.
੨੫੭. … ਵਿਸ੍ਸਾਸਕਾਨਂ ਯਦਿਦਂ ਨਕੁਲਪਿਤਾ ਗਹਪਤੀਤਿ.
ਵਗ੍ਗੋ ਛਟ੍ਠੋ.