੧੪. ਏਤਦਗ੍ਗਵਗ੍ਗੋ
੧. ਪਠਮਵਗ੍ਗੋ
੧੮੮. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਭਿਕ੍ਖੂਨਂ ਰਤ੍ਤਞ੍ਞੂਨਂ ਯਦਿਦਂ ਅਞ੍ਞਾਸਿਕੋਣ੍ਡਞ੍ਞੋ’’ [ਅਞ੍ਞਾਤਕੋਣ੍ਡਞ੍ਞੋਤਿ (ਕ.), ਅਞ੍ਞਾਕੋਣ੍ਡਞ੍ਞੋ (ਸੀ. ਸ੍ਯਾ. ਕਂ. ਪੀ.)].
੧੮੯. … ਮਹਾਪਞ੍ਞਾਨਂ ਯਦਿਦਂ ਸਾਰਿਪੁਤ੍ਤੋ.
੧੯੦. … ਇਦ੍ਧਿਮਨ੍ਤਾਨਂ ਯਦਿਦਂ ਮਹਾਮੋਗ੍ਗਲ੍ਲਾਨੋ.
੧੯੧. … ਧੁਤਵਾਦਾਨਂ [ਧੁਤਙ੍ਗਧਰਾਨਂ (ਕਤ੍ਥਚਿ)] ਯਦਿਦਂ ਮਹਾਕਸ੍ਸਪੋ.
੧੯੨. … ਦਿਬ੍ਬਚਕ੍ਖੁਕਾਨਂ ਯਦਿਦਂ ਅਨੁਰੁਦ੍ਧੋ.
੧੯੩. … ਉਚ੍ਚਾਕੁਲਿਕਾਨਂ ਯਦਿਦਂ ਭਦ੍ਦਿਯੋ ਕਾਲ਼ਿਗੋਧਾਯਪੁਤ੍ਤੋ.
੧੯੪. … ਮਞ੍ਜੁਸ੍ਸਰਾਨਂ ਯਦਿਦਂ ਲਕੁਣ੍ਡਕ [ਲਕੁਣ੍ਟਕ (ਸ੍ਯਾ. ਕਂ.)] ਭਦ੍ਦਿਯੋ.
੧੯੫. … ਸੀਹਨਾਦਿਕਾਨਂ ਯਦਿਦਂ ਪਿਣ੍ਡੋਲਭਾਰਦ੍ਵਾਜੋ.
੧੯੬. … ਧਮ੍ਮਕਥਿਕਾਨਂ ਯਦਿਦਂ ਪੁਣ੍ਣੋ ਮਨ੍ਤਾਣਿਪੁਤ੍ਤੋ.
੧੯੭. … ਸਂਖਿਤ੍ਤੇਨ ਭਾਸਿਤਸ੍ਸ ਵਿਤ੍ਥਾਰੇਨ ਅਤ੍ਥਂ ਵਿਭਜਨ੍ਤਾਨਂ ਯਦਿਦਂ ਮਹਾਕਚ੍ਚਾਨੋਤਿ.
ਵਗ੍ਗੋ ਪਠਮੋ.
੨. ਦੁਤਿਯਵਗ੍ਗੋ
੧੯੮. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਭਿਕ੍ਖੂਨਂ ਮਨੋਮਯਂ ਕਾਯਂ ਅਭਿਨਿਮ੍ਮਿਨਨ੍ਤਾਨਂ ਯਦਿਦਂ ਚੂਲ਼ਪਨ੍ਥਕੋ’’ [ਚੁਲ੍ਲਪਨ੍ਥਕੋ (ਸੀ. ਸ੍ਯਾ. ਕਂ. ਪੀ.)].
੧੯੯. … ਚੇਤੋਵਿਵਟ੍ਟਕੁਸਲਾਨਂ ਯਦਿਦਂ ਚੂਲ਼ਪਨ੍ਥਕੋ.
੨੦੦. … ਸਞ੍ਞਾਵਿਵਟ੍ਟਕੁਸਲਾਨਂ ਯਦਿਦਂ ਮਹਾਪਨ੍ਥਕੋ.
੨੦੧. … ਅਰਣਵਿਹਾਰੀਨਂ ਯਦਿਦਂ ਸੁਭੂਤਿ.
੨੦੨. … ਦਕ੍ਖਿਣੇਯ੍ਯਾਨਂ ਯਦਿਦਂ ਸੁਭੂਤਿ.
੨੦੩. … ਆਰਞ੍ਞਕਾਨਂ ਯਦਿਦਂ ਰੇਵਤੋ ਖਦਿਰਵਨਿਯੋ.
੨੦੪. … ਝਾਯੀਨਂ ਯਦਿਦਂ ਕਙ੍ਖਾਰੇਵਤੋ.
੨੦੫. … ਆਰਦ੍ਧਵੀਰਿਯਾਨਂ ਯਦਿਦਂ ਸੋਣੋ ਕੋਲ਼ਿਵਿਸੋ.
੨੦੬. … ਕਲ੍ਯਾਣਵਾਕ੍ਕਰਣਾਨਂ ਯਦਿਦਂ ਸੋਣੋ ਕੁਟਿਕਣ੍ਣੋ.
੨੦੭. … ਲਾਭੀਨਂ ਯਦਿਦਂ ਸੀਵਲਿ.
੨੦੮. … ਸਦ੍ਧਾਧਿਮੁਤ੍ਤਾਨਂ ਯਦਿਦਂ ਵਕ੍ਕਲੀਤਿ.
ਵਗ੍ਗੋ ਦੁਤਿਯੋ.
੩. ਤਤਿਯਵਗ੍ਗੋ
੨੦੯. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਭਿਕ੍ਖੂਨਂ ਸਿਕ੍ਖਾਕਾਮਾਨਂ ਯਦਿਦਂ ਰਾਹੁਲੋ’’.
੨੧੦. … ਸਦ੍ਧਾਪਬ੍ਬਜਿਤਾਨਂ ਯਦਿਦਂ ਰਟ੍ਠਪਾਲੋ.
੨੧੧. … ਪਠਮਂ ਸਲਾਕਂ ਗਣ੍ਹਨ੍ਤਾਨਂ ਯਦਿਦਂ ਕੁਣ੍ਡਧਾਨੋ.
੨੧੨. … ਪਟਿਭਾਨਵਨ੍ਤਾਨਂ ਯਦਿਦਂ ਵਙ੍ਗੀਸੋ.
੨੧੩. … ਸਮਨ੍ਤਪਾਸਾਦਿਕਾਨਂ ਯਦਿਦਂ ਉਪਸੇਨੋ ਵਙ੍ਗਨ੍ਤਪੁਤ੍ਤੋ.
੨੧੪. … ਸੇਨਾਸਨਪਞ੍ਞਾਪਕਾਨਂ ਯਦਿਦਂ ਦਬ੍ਬੋ ਮਲ੍ਲਪੁਤ੍ਤੋ.
੨੧੫. … ਦੇਵਤਾਨਂ ਪਿਯਮਨਾਪਾਨਂ ਯਦਿਦਂ ਪਿਲਿਨ੍ਦਵਚ੍ਛੋ.
੨੧੬. … ਖਿਪ੍ਪਾਭਿਞ੍ਞਾਨਂ ਯਦਿਦਂ ਬਾਹਿਯੋ ਦਾਰੁਚੀਰਿਯੋ.
੨੧੭. … ਚਿਤ੍ਤਕਥਿਕਾਨਂ ਯਦਿਦਂ ਕੁਮਾਰਕਸ੍ਸਪੋ.
੨੧੮. … ਪਟਿਸਮ੍ਭਿਦਾਪਤ੍ਤਾਨਂ ਯਦਿਦਂ ਮਹਾਕੋਟ੍ਠਿਤੋਤਿ [ਮਹਾਕੋਟ੍ਠਿਕੋਤਿ (ਅਞ੍ਞੇਸੁ ਸੁਤ੍ਤੇਸੁ ਮਰਮ੍ਮਪੋਤ੍ਥਕੇ)].
ਵਗ੍ਗੋ ਤਤਿਯੋ.
੪. ਚਤੁਤ੍ਥਵਗ੍ਗੋ
੨੧੯. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਭਿਕ੍ਖੂਨਂ ਬਹੁਸ੍ਸੁਤਾਨਂ ਯਦਿਦਂ ਆਨਨ੍ਦੋ’’.
੨੨੦. … ਸਤਿਮਨ੍ਤਾਨਂ ਯਦਿਦਂ ਆਨਨ੍ਦੋ.
੨੨੧. … ਗਤਿਮਨ੍ਤਾਨਂ ਯਦਿਦਂ ਆਨਨ੍ਦੋ.
੨੨੨. … ਧਿਤਿਮਨ੍ਤਾਨਂ ਯਦਿਦਂ ਆਨਨ੍ਦੋ.
੨੨੩. … ਉਪਟ੍ਠਾਕਾਨਂ ਯਦਿਦਂ ਆਨਨ੍ਦੋ.
੨੨੪. … ਮਹਾਪਰਿਸਾਨਂ ਯਦਿਦਂ ਉਰੁਵੇਲਕਸ੍ਸਪੋ.
੨੨੫. … ਕੁਲਪ੍ਪਸਾਦਕਾਨਂ ਯਦਿਦਂ ਕਾਲ਼ੁਦਾਯੀ.
੨੨੬. … ਅਪ੍ਪਾਬਾਧਾਨਂ ਯਦਿਦਂ ਬਾਕੁਲੋ [ਬਕ੍ਕੁਲੋ (ਸੀ. ਸ੍ਯਾ. ਕਂ. ਪੀ.)].
੨੨੭. … ਪੁਬ੍ਬੇਨਿਵਾਸਂ ਅਨੁਸ੍ਸਰਨ੍ਤਾਨਂ ਯਦਿਦਂ ਸੋਭਿਤੋ.
੨੨੮. … ਵਿਨਯਧਰਾਨਂ ਯਦਿਦਂ ਉਪਾਲਿ.
੨੨੯. … ਭਿਕ੍ਖੁਨੋਵਾਦਕਾਨਂ ਯਦਿਦਂ ਨਨ੍ਦਕੋ.
੨੩੦. … ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਾਨਂ ਯਦਿਦਂ ਨਨ੍ਦੋ.
੨੩੧. … ਭਿਕ੍ਖੁਓਵਾਦਕਾਨਂ ਯਦਿਦਂ ਮਹਾਕਪ੍ਪਿਨੋ.
੨੩੨. … ਤੇਜੋਧਾਤੁਕੁਸਲਾਨਂ ਯਦਿਦਂ ਸਾਗਤੋ.
੨੩੩. … ਪਟਿਭਾਨੇਯ੍ਯਕਾਨਂ ਯਦਿਦਂ ਰਾਧੋ.
੨੩੪. … ਲੂਖਚੀਵਰਧਰਾਨਂ ਯਦਿਦਂ ਮੋਘਰਾਜਾਤਿ.
ਵਗ੍ਗੋ ਚਤੁਤ੍ਥੋ.
੫. ਪਞ੍ਚਮਵਗ੍ਗੋ
੨੩੫. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਰਤ੍ਤਞ੍ਞੂਨਂ ਯਦਿਦਂ ਮਹਾਪਜਾਪਤਿਗੋਤਮੀ’’.
੨੩੬. … ਮਹਾਪਞ੍ਞਾਨਂ ਯਦਿਦਂ ਖੇਮਾ.
੨੩੭. … ਇਦ੍ਧਿਮਨ੍ਤੀਨਂ ਯਦਿਦਂ ਉਪ੍ਪਲਵਣ੍ਣਾ.
੨੩੮. … ਵਿਨਯਧਰਾਨਂ ਯਦਿਦਂ ਪਟਾਚਾਰਾ.
੨੩੯. … ਧਮ੍ਮਕਥਿਕਾਨਂ ਯਦਿਦਂ ਧਮ੍ਮਦਿਨ੍ਨਾ.
੨੪੦. … ਝਾਯੀਨਂ ਯਦਿਦਂ ਨਨ੍ਦਾ.
੨੪੧. … ਆਰਦ੍ਧਵੀਰਿਯਾਨਂ ਯਦਿਦਂ ਸੋਣਾ.
੨੪੨. … ਦਿਬ੍ਬਚਕ੍ਖੁਕਾਨਂ ਯਦਿਦਂ ਬਕੁਲਾ [ਸਕੁਲਾ (ਸੀ. ਸ੍ਯਾ. ਕਂ. ਪੀ.)].
੨੪੩. … ਖਿਪ੍ਪਾਭਿਞ੍ਞਾਨਂ ਯਦਿਦਂ ਭਦ੍ਦਾ ਕੁਣ੍ਡਲਕੇਸਾ.
੨੪੪. … ਪੁਬ੍ਬੇਨਿਵਾਸਂ ਅਨੁਸ੍ਸਰਨ੍ਤੀਨਂ ਯਦਿਦਂ ਭਦ੍ਦਾ ਕਾਪਿਲਾਨੀ.
੨੪੫. … ਮਹਾਭਿਞ੍ਞਪ੍ਪਤ੍ਤਾਨਂ ਯਦਿਦਂ ਭਦ੍ਦਕਚ੍ਚਾਨਾ.
੨੪੬. … ਲੂਖਚੀਵਰਧਰਾਨਂ ਯਦਿਦਂ ਕਿਸਾਗੋਤਮੀ.
੨੪੭. … ਸਦ੍ਧਾਧਿਮੁਤ੍ਤਾਨਂ ਯਦਿਦਂ ਸਿਙ੍ਗਾਲਕਮਾਤਾਤਿ [ਸਿਗਾਲਮਾਤਾਤਿ (ਸੀ. ਸ੍ਯਾ. ਕਂ. ਪੀ.)].
ਵਗ੍ਗੋ ਪਞ੍ਚਮੋ.
੬. ਛਟ੍ਠਵਗ੍ਗੋ
੨੪੮. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਕਾਨਂ ਉਪਾਸਕਾਨਂ ਪਠਮਂ ਸਰਣਂ ਗਚ੍ਛਨ੍ਤਾਨਂ ਯਦਿਦਂ ਤਪੁਸ੍ਸਭਲ੍ਲਿਕਾ [ਤਪਸ੍ਸੁਭਲ੍ਲਿਕਾ (ਸੀ. ਪੀ.)] ਵਾਣਿਜਾ’’.
੨੪੯. … ਦਾਯਕਾਨਂ ਯਦਿਦਂ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ.
੨੫੦. … ਧਮ੍ਮਕਥਿਕਾਨਂ ਯਦਿਦਂ ਚਿਤ੍ਤੋ ਗਹਪਤਿ ਮਚ੍ਛਿਕਾਸਣ੍ਡਿਕੋ.
੨੫੧. … ਚਤੂਹਿ ਸਙ੍ਗਹਵਤ੍ਥੂਹਿ ਪਰਿਸਂ ਸਙ੍ਗਣ੍ਹਨ੍ਤਾਨਂ ਯਦਿਦਂ ਹਤ੍ਥਕੋ ਆਲ਼ਵਕੋ.
੨੫੨. … ਪਣੀਤਦਾਯਕਾਨਂ ਯਦਿਦਂ ਮਹਾਨਾਮੋ ਸਕ੍ਕੋ.
੨੫੩. … ਮਨਾਪਦਾਯਕਾਨਂ ਯਦਿਦਂ ਉਗ੍ਗੋ ਗਹਪਤਿ ਵੇਸਾਲਿਕੋ.
੨੫੪. … ਸਙ੍ਘੁਪਟ੍ਠਾਕਾਨਂ ਯਦਿਦਂ ਹਤ੍ਥਿਗਾਮਕੋ ਉਗ੍ਗਤੋ ਗਹਪਤਿ.
੨੫੫. … ਅਵੇਚ੍ਚਪ੍ਪਸਨ੍ਨਾਨਂ ਯਦਿਦਂ ਸੂਰਮ੍ਬਟ੍ਠੋ [ਸੂਰੋ ਅਮ੍ਬਟ੍ਠੋ (ਸੀ. ਸ੍ਯਾ. ਕਂ. ਪੀ.) ਸੁਰੇਬਨ੍ਧੋ (ਕ.)].
੨੫੬. … ਪੁਗ੍ਗਲਪ੍ਪਸਨ੍ਨਾਨਂ ਯਦਿਦਂ ਜੀਵਕੋ ਕੋਮਾਰਭਚ੍ਚੋ.
੨੫੭. … ਵਿਸ੍ਸਾਸਕਾਨਂ ਯਦਿਦਂ ਨਕੁਲਪਿਤਾ ਗਹਪਤੀਤਿ.
ਵਗ੍ਗੋ ਛਟ੍ਠੋ.
੭. ਸਤ੍ਤਮਵਗ੍ਗੋ
੨੫੮. ‘‘ਏਤਦਗ੍ਗਂ, ਭਿਕ੍ਖਵੇ, ਮਮ ਸਾਵਿਕਾਨਂ ਉਪਾਸਿਕਾਨਂ ਪਠਮਂ ਸਰਣਂ ਗਚ੍ਛਨ੍ਤੀਨਂ ਯਦਿਦਂ ਸੁਜਾਤਾ ਸੇਨਿਯਧੀਤਾ’’ [ਸੇਨਾਨੀ ਧੀਤਾ (ਸੀ. ਸ੍ਯਾ. ਕਂ. ਪੀ.)].
੨੫੯. … ਦਾਯਿਕਾਨਂ ਯਦਿਦਂ ਵਿਸਾਖਾ ਮਿਗਾਰਮਾਤਾ.
੨੬੦. … ਬਹੁਸ੍ਸੁਤਾਨਂ ਯਦਿਦਂ ਖੁਜ੍ਜੁਤ੍ਤਰਾ.
੨੬੧. … ਮੇਤ੍ਤਾਵਿਹਾਰੀਨਂ ਯਦਿਦਂ ਸਾਮਾਵਤੀ.
੨੬੨. … ਝਾਯੀਨਂ ਯਦਿਦਂ ਉਤ੍ਤਰਾਨਨ੍ਦਮਾਤਾ.
੨੬੩. … ਪਣੀਤਦਾਯਿਕਾਨਂ ਯਦਿਦਂ ਸੁਪ੍ਪਵਾਸਾ ਕੋਲਿਯਧੀਤਾ.
੨੬੪. … ਗਿਲਾਨੁਪਟ੍ਠਾਕੀਨਂ ਯਦਿਦਂ ਸੁਪ੍ਪਿਯਾ ਉਪਾਸਿਕਾ.
੨੬੫. … ਅਵੇਚ੍ਚਪ੍ਪਸਨ੍ਨਾਨਂ ਯਦਿਦਂ ਕਾਤਿਯਾਨੀ.
੨੬੬. … ਵਿਸ੍ਸਾਸਿਕਾਨਂ ਯਦਿਦਂ ਨਕੁਲਮਾਤਾ ਗਹਪਤਾਨੀ.
੨੬੭. … ਅਨੁਸ੍ਸਵਪ੍ਪਸਨ੍ਨਾਨਂ ਯਦਿਦਂ ਕਾਲ਼ੀ ਉਪਾਸਿਕਾ ਕੁਲਘਰਿਕਾ [ਕੁਲਘਰਿਕਾ (ਕ.)] ਤਿ.
ਵਗ੍ਗੋ ਸਤ੍ਤਮੋ.
ਏਤਦਗ੍ਗਵਗ੍ਗੋ ਚੁਦ੍ਦਸਮੋ.