૧૦. સમથા સમથસ્સ તબ્ભાગિયવારો

૩૦૦. સમથા સમથસ્સ તબ્ભાગિયા, સમથા સમથસ્સ અઞ્ઞભાગિયા. સિયા સમથા સમથસ્સ તબ્ભાગિયા, સિયા સમથા સમથસ્સ અઞ્ઞભાગિયા.

કથં સિયા સમથા સમથસ્સ તબ્ભાગિયા? કથં સિયા સમથા સમથસ્સ અઞ્ઞભાગિયા? યેભુય્યસિકા સમ્મુખાવિનયસ્સ તબ્ભાગિયા, સતિવિનયસ્સ અમૂળ્હવિનયસ્સ પટિઞ્ઞાતકરણસ્સ તસ્સપાપિયસિકાય તિણવત્થારકસ્સ અઞ્ઞભાગિયા.

સતિવિનયો સમ્મુખાવિનયસ્સ તબ્ભાગિયો, અમૂળ્હવિનયસ્સ પટિઞ્ઞાતકરણસ્સ તસ્સપાપિયસિકાય તિણવત્થારકસ્સ યેભુય્યસિકાય અઞ્ઞભાગિયો.

અમૂળ્હવિનયો સમ્મુખાવિનયસ્સ તબ્ભાગિયો, પટિઞ્ઞાતકરણસ્સ તસ્સપાપિયસિકાય તિણવત્થારકસ્સ યેભુય્યસિકાય સતિવિનયસ્સ અઞ્ઞભાગિયો.

પટિઞ્ઞાતકરણં સમ્મુખાવિનયસ્સ તબ્ભાગિયં, તસ્સપાપિયસિકાય તિણવત્થારકસ્સ યેભુય્યસિકાય સતિવિનયસ્સ અમૂળ્હવિનયસ્સ અઞ્ઞભાગિયં.

તસ્સપાપિયસિકા સમ્મુખાવિનયસ્સ તબ્ભાગિયા, તિણવત્થારકસ્સ યેભુય્યસિકાય સતિવિનયસ્સ અમૂળ્હવિનયસ્સ પટિઞ્ઞાતકરણસ્સ અઞ્ઞભાગિયા.

તિણવત્થારકો સમ્મુખાવિનયસ્સ તબ્ભાગિયો, યેભુય્યસિકાય સતિવિનયસ્સ અમૂળ્હવિનયસ્સ પટિઞ્ઞાતકરણસ્સ તસ્સપાપિયસિકાય અઞ્ઞભાગિયો. એવં સિયા સમથા સમથસ્સ તબ્ભાગિયા, એવં સિયા સમથા સમથસ્સ અઞ્ઞભાગિયા.

સમથા સમથસ્સ તબ્ભાગિયવારો નિટ્ઠિતો દસમો.