૮. કુમારિભૂતવગ્ગવણ્ણના

૧૧૧૯. કુમારિભૂતવગ્ગસ્સ પઠમે સબ્બપઠમા દ્વે મહાસિક્ખમાનાતિ ગબ્ભિનિવગ્ગે સબ્બપઠમં વુત્તા દ્વે સિક્ખમાના. સિક્ખમાના ઇચ્ચેવ વત્તબ્બાતિ સમ્મુતિકમ્માદીસુ એવં વત્તબ્બા. ગિહિગતાતિ વા કુમારિભૂતાતિ વા ન વત્તબ્બાતિ સચે વદન્તિ, કમ્મં કુપ્પતીતિ અધિપ્પાયો. ઇતો પરં નવમપરિયોસાનં ઉત્તાનત્થમેવ.

૧૧૬૩. દસમે અપુબ્બસમુટ્ઠાનસીસન્તિ પઠમપારાજિકસમુટ્ઠાનાદીસુ તેરસસુ સમુટ્ઠાનેસુ અનનુઞ્ઞાતસમુટ્ઠાનં સન્ધાય વુત્તં. તઞ્હિ ઇતો પુબ્બે તાદિસસ્સ સમુટ્ઠાનસીસસ્સ અનાગતત્તા ‘‘અપુબ્બસમુટ્ઠાનસીસ’’ન્તિ વુત્તં.

૧૧૬૬. એકાદસમાદીનિ ઉત્તાનત્થાનેવ.

કુમારિભૂતવગ્ગવણ્ણના નિટ્ઠિતા.