વિનયવિનિચ્છયો

ગન્થારમ્ભકથા

૧. વન્દિત્વા સિરસા સેટ્ઠં, બુદ્ધમપ્પટિપુગ્ગલં;

ભવાભાવકરં ધમ્મં, ગણઞ્ચેવ નિરઙ્ગણં.

૨. ભિક્ખૂનં ભિક્ખુનીનઞ્ચ, હિતત્થાય સમાહિતો;

પવક્ખામિ સમાસેન, વિનયસ્સવિનિચ્છયં.

૩. અનાકુલમસંકિણ્ણં, મધુરત્થપદક્કમં;

પટુભાવકરં એતં, પરમં વિનયક્કમે.

૪. અપારં ઓતરન્તાનં, સારં વિનયસાગરં;

ભિક્ખૂનં ભિક્ખુનીનઞ્ચ, નાવાભૂતં મનોરમં.

૫. તસ્મા વિનયનૂપાયં, વિનયસ્સવિનિચ્છયં;

અવિક્ખિત્તેન ચિત્તેન, વદતો મે નિબોધથ.