૭. બોધિપક્ખિયવગ્ગવણ્ણના

૫૩૧-૬૫૦. સત્તાનં ફલાનં હેતુભૂતાનિ ‘‘ઇમેસં ખો, ભિક્ખવે, પઞ્ચન્નં ઇન્દ્રિયાનં ભાવિતત્તા’’તિઆદિના વુત્તાનિ, પઞ્ચિન્દ્રિયાનિયેવ ફલૂપચારેન ‘‘સત્ત ફલાની’’તિ વુત્તાનિ. તાનિ ચ પુબ્બભાગાનિ ‘‘ઇમેસં, ભિક્ખવે, પઞ્ચન્નં ઇન્દ્રિયાનં ભાવિતત્તા…પે… સત્તાનિસંસા પાટિકઙ્ખા’’તિ વચનતો. તેસન્તિ સત્તાનં ફલાનં. ‘‘દ્વિન્નં ફલાનં અઞ્ઞતરં ફલ’’ન્તિ એવં અતીતસુત્તે વુત્તાનિ હેટ્ઠા દ્વે ફલાનિ નામાતિ વદન્તિ. યેહિ પન ઇન્દ્રિયેહિ અઞ્ઞત્ર પન અન્તરાપરિનિબ્બાયિં સેસાનિ ફલાનિ હોન્તિ, તાનિ ચત્તારિ સપુબ્બભાગાનિ લોકુત્તરાનીતિ વુત્તં સિયા.

ઇન્દ્રિયસંયુત્તવણ્ણના નિટ્ઠિતા.