૮. આવરણનીવરણસુત્તવણ્ણના

૨૧૯. પઞ્ઞા દુબ્બલા હોતિ, ન બલવતી પટિપક્ખેન ઉપક્કિલિટ્ઠભાવતો. તેનાહ ‘‘મન્દા અવિસદા’’તિ.

પઞ્ચ નીવરણા દૂરે હોન્તિ આવરણાભાવતો. તમેવ પીતિન્તિ સપ્પાયધમ્મસવને ઉપ્પન્નં પીતિં. તસ્સા તદા ઉપ્પન્નાકારસલ્લક્ખણેન અવિજહન્તો પુનપ્પુનં તસ્સા નિબ્બત્તનેન. તેનાહ ‘‘પઞ્ચ નીવરણે વિક્ખમ્ભેત્વા’’તિ. ઇદં સન્ધાયાતિ એત્તકે દિવસેપિ ન વિનસ્સન્તિ, સા ધમ્મપીતિ લદ્ધપચ્ચયા હુત્વા વિસેસાવહાતિ ઇમમત્થં સન્ધાય એતં ‘‘ઇમસ્સ પઞ્ચ નીવરણા તસ્મિં સમયે ન હોન્તી’’તિઆદિ વુત્તં. પીતિપામોજ્જપક્ખિયાતિ પીતિપામોજ્જપચ્ચયા. નસ્સન્તીતિ નિરોધપચ્ચયવસેન પવત્તનતો નસ્સન્તિ. સભાગપચ્ચયવસેન પુન ઉપ્પજ્જન્તાપિ…પે… વુચ્ચતિ કિચ્ચસાધનવસેન પવત્તનતો.