૧-૨. ઇચ્છાનઙ્ગલસુત્તાદિવણ્ણના

૯૮૭-૯૮૮. કસ્માતિઆદિ વિહારસમાપત્તિઆચિક્ખણે કારણં વિભાવેતું આરદ્ધં.

એવ-વાકારોતિ એવ-કારો વા-કારો ચ. એકન્તસન્તત્તા એકન્તેન સન્તમનસિકારભાવતો. સેક્ખવચનેનેવ તેસં સિક્ખિતબ્બસ્સ અત્થિભાવે સિદ્ધેપિ સિક્ખિતબ્બરહિતેસુ તેસુપિ સેક્ખપરિયાયસ્સ વુચ્ચમાનત્તા સિક્ખિતબ્બસદ્દેન સેક્ખે વિસેસેત્વા વુત્તા. આસવક્ખયત્થં સિક્ખિતબ્બસ્સ અભાવેપિ દિટ્ઠધમ્મસુખવિહારત્થં ઝાનાદિસિક્ખનેન વિના સિક્ખિતબ્બાભાવા ‘‘અસેક્ખા નામા’’તિ વુત્તા. બુદ્ધાનં પન સબ્બસો સમ્મદેવ પરિનિટ્ઠિતસિક્ખત્તા ‘‘સિક્ખામી’’તિ ન વુત્તં. આનાપાનજ્ઝાનફલસમાપત્તિ તથાગતવિહારો.