૭. દુતિયઅઞ્ઞતરભિક્ખુસુત્તવણ્ણના

૭. રાગવિનયાદિપદેહિ નિબ્બાનં વાપિ વુચ્ચેય્ય અરહત્તં વાપિ. યસ્મા સો ભિક્ખુ ઉભયત્થપિ નિવિટ્ઠબુદ્ધિ, તસ્મા ભગવા તસ્સ અજ્ઝાસયવસેન ‘‘નિબ્બાનધાતુયા ખો એત’’ન્તિઆદિના નિબ્બાનધાતું વિસ્સજ્જેત્વા પુન ‘‘આસવાનં ખયો તેન વુચ્ચતી’’તિ આહ. યસ્મા અરિયમગ્ગો રાગાદિકે સમુચ્છેદવસેન વિનેતિ, આસવઞ્ચ સબ્બસો ખેપેતિ, તેન ચ વુત્તં નિબ્બાનં અરહત્તઞ્ચ, તસ્મા તદુભયં ‘‘રાગવિનયોતિઆદિ નામમેવા’’તિ વુત્તં. અનુસન્ધિકુસલતાય પુચ્છન્તો એતં અવોચાતિ ઇમિના ‘‘પુચ્છાનુસન્ધિ ઇધ લબ્ભતી’’તિ દીપિતં, અજ્ઝાસયાનુસન્ધિપિ એત્થ લબ્ભતેવાતિ દટ્ઠબ્બં.

દુતિયઅઞ્ઞતરભિક્ખુસુત્તવણ્ણના નિટ્ઠિતા.