૨. બીજસુત્તવણ્ણના

૫૪. બીજજાતાનીતિ જાત-સદ્દો પદપૂરણમત્તન્તિ આહ ‘‘બીજાની’’તિ. વચન્તિ સેતવચં. અજ્જુકન્તિ તચ્છકં. ફણિજ્જકં તુલસિ. અભિન્નાનીતિ એકદેસેનપિ અખણ્ડિતાનિ. બીજત્થાયાતિ બીજકિચ્ચાય. ન ઉપકપ્પતીતિ પચ્ચયો ન હોતીતિ દસ્સેતિ. ન પાપિતાનીતિ પૂતિતં ન ઉપગતાનિ. તણ્ડુલસારસ્સ આદાનતો સારાદાનિ. આરમ્મણગ્ગહણવસેન વિઞ્ઞાણં તિટ્ઠતિ એત્થાતિ વિઞ્ઞાણટ્ઠિતિયો. આરમ્મણવસેનાતિ આરમ્મણભાવવસેન. સિનેહનટ્ઠેનાતિ તણ્હાયનવસેન સિનિદ્ધતાપાદનેન, યતો ‘‘નન્દૂપસેચન’’ન્તિ વુત્તં. તથા હિ વિરોપિતં તં કમ્મવિઞ્ઞાણં પટિસન્ધિઅઙ્કુરુપ્પાદનસમત્થં હોતિ. સપ્પચ્ચયન્તિ અવિજ્જાઅયોનિસોનમનસિકારાદિપચ્ચયેહિ સપ્પચ્ચયં. વિરુહતિ વિપાકસન્તાનુપ્પાદનસમત્થો હુત્વા.

બીજસુત્તવણ્ણના નિટ્ઠિતા.