૨. બળિસસુત્તવણ્ણના

૧૫૮. બળિસેન ચરતિ, તેન વા જીવતીતિ બાળિસિકો. તેનાહ ‘‘બળિસં ગહેત્વા ચરમાનો’’તિ. આમિસગતન્તિ આમિસૂપગતં આમિસપતિતં. તેનાહ ‘‘આમિસમક્ખિત’’ન્તિ. ભિન્નાધિકરણાનમ્પિ બાહિરત્થસમાસો હોતેવાતિ આહ ‘‘આમિસે ચક્ખુદસ્સન’’ન્તિ. અયો વુચ્ચતિ સુખં, તબ્બિધુરતાય અનયો, દુક્ખન્તિ આહ ‘‘દુક્ખં પત્તો’’તિ. અસ્સાતિ એતેન. કત્તુઅત્થે હિ એતં સામિવચનં. યથા કિલેસા વત્તન્તિ, એવં પવત્તમાનો પુગ્ગલો કિલેસવિપ્પયોગો ન હોતીતિ વુત્તં ‘‘યથા કિલેસમારસ્સ કામો, એવં કત્તબ્બો’’તિ.

બળિસસુત્તવણ્ણના નિટ્ઠિતા.