૧૦. મોગ્ગલ્લાનસુત્તવણ્ણના

૨૧૮. પચ્ચવેક્ખતીતિ તેસં અરિયાનં ચિત્તં અત્તનો ઞાણચક્ખુના પતિ અવેક્ખતિ પચ્ચવેક્ખતિ. પબ્બતસ્સાતિ ઇસિગિલિપબ્બતસ્સ. દુક્ખપારં ગતન્તિ વટ્ટદુક્ખસ્સ પારં પરિયન્તં ગતં. સબ્બગુણસમ્પન્નન્તિ સબ્બેહિ બુદ્ધગુણેહિ ચ સાવકગુણેહિ ચ પરિપુણ્ણં. અનેકાકારસમ્પન્નન્તિ રૂપઘોસલૂખધમ્મપ્પમાણિકાનં સત્તાનં તેહિ તેહિ આકારેહિ સબ્બેસઞ્ચ અનેકેહિ અનન્તાપરિમેય્યેહિ પસીદિતબ્બાકારેહિ સમન્નાગતં. તે પન આકારા યસ્મા અનઞ્ઞસાધારણા બુદ્ધગુણા એવ, તસ્મા આહ ‘‘અનેકેહિ ગુણેહિ સમન્નાગત’’ન્તિ.

મોગ્ગલ્લાનસુત્તવણ્ણના નિટ્ઠિતા.