૩. મિત્તસુત્તવણ્ણના

૫૩. સહ અત્થેન વત્તતીતિ સત્થો, ભણ્ડમૂલં ગહેત્વા વાણિજ્જવસેન દેસન્તરાદીસુ વિચરણકજનસમૂહો. તેનાહ ‘‘સદ્ધિંચરો’’તિ, સહચરણકોતિ અત્થો. મિત્તન્તિ સિનેહયોગેન મિત્તકિચ્ચયુત્તં. ઇધાધિપ્પેતપ્પકારં દસ્સેતું ‘‘રોગે ઉપ્પન્ને’’તિઆદિ વુત્તં. તથારૂપેતિ જિગુચ્છનીયે, દુત્તિકિચ્છે વા. યથા અસણ્ઠિતાનં સણ્ઠાપનવસેન પવસતો પુરિસસ્સ ભોગબ્યસને નાથતા, એવં પુત્તસિનેહવસેન પુત્તસ્સ માતુયા અન્તોગેહે નાથતાતિ વુત્તં ‘‘માતા મિત્તં સકે ઘરે’’તિ. અત્થજાતસ્સાતિ ઉપટ્ઠિતપયોજનસ્સાતિ અત્થોતિ આહ ‘‘ઉપ્પન્નકિચ્ચસ્સા’’તિ. સમ્પરાયહિતન્તિ સમ્પરાયે હિતાવહં.

મિત્તસુત્તવણ્ણના નિટ્ઠિતા.