૯. પઠમપજ્જુન્નધીતુસુત્તવણ્ણના

૩૯. ચાતુમહારાજિકસ્સાતિ ચાતુમહારાજિકકાયિકસ્સ. ધમ્મો અનુબુદ્ધોતિ ચતુસચ્ચધમ્મો પરિઞ્ઞેય્યાદિભાવસ્સ અનુરૂપતો બુદ્ધો. પચ્ચક્ખમેવાતિ પરપત્તિયા અહુત્વા અત્તપચ્ચક્ખમેવ કત્વા જાનામિ. ધમ્મં ગરહન્તા નામ સદ્દદોસવસેન વા અત્થદોસવસેન વા ગરહેય્યુન્તિ તં દસ્સેન્તો ‘‘હીનક્ખર…પે… કોતિવા’’તિ આહ. સા પન ‘‘તેસં વિગરહા દુમ્મેધતાય મહાનત્થાવહાવા’’તિ દસ્સેન્તી દેવતા આહ ‘‘દુમ્મેધા ઉપેન્તિ રોરુવ’’ન્તિ. વિસું હોતીતિ અવીચિમહાનિરયતો વિસું એવ હોતિ. ખન્તિયાતિ ઞાણખન્તિયા. ઉપસમેનાતિ રાગાદીનં સબ્બસો વૂપસમેન. તેનાહ ‘‘રુચ્ચિત્વા’’તિઆદિ.

પઠમપજ્જુન્નધીતુસુત્તવણ્ણના નિટ્ઠિતા.