૮. મહદ્ધનસુત્તવણ્ણના

૨૮. નિધીયતીતિ નિધાનં. નિધાતબ્બતં ગતં નિહિતન્તિ અત્થો. મુત્તસારાદીતિ મુત્તામણિવેળુરિયપવાળરજતજાતરૂપાદિ. સુવણ્ણરજતભાજનાદીતિ આદિ-સદ્દેન કહાપણ-ધઞ્ઞકોટ્ઠભણ્ડાદિં સઙ્ગણ્હાતિ. તમ્પિ હિ નિચ્ચપરિબ્બયવસેન ભુઞ્જીયતીતિ ‘‘ભોગો’’તિ વુચ્ચતિ. અઞ્ઞમઞ્ઞં અભિગિજ્ઝન્તીતિ અઞ્ઞમઞ્ઞસ્સ સન્તકં અભિગિજ્ઝન્તિ. તેનાહ ‘‘પત્થેન્તી’’તિ. અનલઙ્કતાતિ ન અલં પરિયત્તન્તિ એવં કતચિત્તા, અત્રિચ્છતામહિચ્છતાહિ અભિભૂતા. તેનાહ ‘‘અતિત્તા અપરિયત્તજાતા’’તિ. ઉસ્સુક્કજાતેસૂતિ તંતંકિચ્ચે સઞ્જાતઉસ્સુક્કેસુ. નાનાકિચ્ચજાતેસૂતિ નાનાવિધકિચ્ચેસુ, સઞ્જાતનાનાકિચ્ચેસુ વા. વટ્ટગામિકપસુતેન વટ્ટસોતં અનુસરન્તેસુ. તણ્હાનિવાસતાય ગેહન્તિપિ અગારન્તિપિ વુચ્ચતીતિ આહ ‘‘માતુગામેન સદ્ધિં ગેહ’’ન્તિ. વિરાજિયાતિ હેતુઅત્થદીપકં પદન્તિ આહ ‘‘વિરાજેત્વા’’તિ, ત્વા-સદ્દોપિ ચાયં હેતુઅત્થોતિ.

મહદ્ધનસુત્તવણ્ણના નિટ્ઠિતા.