૪. ખત્તિયસુત્તવણ્ણના

૧૪. ખેત્તતો વિવાદા સત્તે તાયતીતિ ખત્તિયો. વદતિ દેવતા અત્તનો અજ્ઝાસયવસેન. દ્વિપદાદીનન્તિ આદિ-સદ્દેન ચતુપ્પદભરિયપુત્તા ગહિતા. બુદ્ધાદયોતિ આદિ-સદ્દેન આજાનીયસુસ્સૂસભરિયસ્સવપુત્તા. દ્વિપદાનં સેટ્ઠોતિ એત્થ દ્વિપદાનં એવ સેટ્ઠોતિ નાયં નિયમો ઇચ્છિતો, સેટ્ઠો એવાતિ પન ઇચ્છિતો, તસ્મા સમ્બુદ્ધો દ્વિપદેસુ અઞ્ઞેસુ તત્થ ચ ઉપ્પજ્જનતો સેટ્ઠો એવ સબ્બેસમ્પિ ઉત્તરિતરસ્સ અભાવતોતિ અયમેત્થ અત્થો. તેનાહ ‘‘ઉપ્પજ્જમાનો પનેસા’’તિઆદિ. કારણાકારણં આજાનાતીતિ આજાનીયો. ગણ્હાપેથાતિ યથા ઉદકો ન તેમિસ્સતિ, એવં વાળં ગણ્હાપેથ. ‘‘અસુસ્સૂસા’’તિ કેચિ પઠન્તિ. આસુણમાનોતિ સપ્પટિસ્સવો હુત્વા વચનસમ્પટિચ્છકો.

ખત્તિયસુત્તવણ્ણના નિટ્ઠિતા.