૨૪. અઞ્જનીનિદ્દેસવણ્ણના

૧૮૨. વટ્ટા વા અટ્ઠસોળસંસા વા મટ્ઠા પુપ્ફલતાદીહિ અચિત્તકા અઞ્જની વટ્ટતીતિ અત્થો. તિસ્સોપિ વટ્ટન્તિ, એકાય વા દ્વીસુ વા કથા એવ નત્થીતિ અધિપ્પાયો. લેખાતિ વટ્ટલેખા. બન્ધિતુન્તિ પિધાનકબન્ધનત્થં.

૧૮૩. રૂપન્તિ સકુણરૂપાદિ. યદિ ચ એદિસં અઞ્ઞેહિ કતં લભતિ, ઘંસિત્વા વા છિન્દિત્વા વા યથા વા ન પઞ્ઞાયતિ, તથા સુત્તેન વેઠેત્વા વળઞ્જેતબ્બં.

૧૮૪. થવિકાતિ અઞ્જનિથવિકા. અઞ્જનિસલાકાપિ લબ્ભતીતિ સમ્બન્ધો.

૧૮૫-૬. અટ્ઠીતિ (મહાવ. ૨૬૬; મહાવ. અટ્ઠ. ૨૬૪) મનુસ્સટ્ઠિં ઠપેત્વા અવસેસટ્ઠિ. વિસાણદન્તેસુ અકપ્પિયં નામ નત્થિ. આમલકકક્કાદીહિ કતા ફલમયા. તમ્મયાતિ ઇધ વુત્તેહેવ નિબ્બત્તા. અઞ્જનીવિનિચ્છયો.

અઞ્જનીનિદ્દેસવણ્ણના નિટ્ઠિતા.