૯. પટિગ્ગાહનિદ્દેસો

પટિગ્ગાહોતિ –

૧૦૬. દાતુકામાભિહારો ચ, હત્થપાસેરણક્ખમં;

તિધા દેન્તે દ્વિધા ગાહો, પઞ્ચઙ્ગેવં પટિગ્ગહો.

૧૦૭. અસંહારિયે તત્થજાતે, સુખુમે ચિઞ્ચઆદિનં;

પણ્ણે વાસય્હભારે ચ, પટિગ્ગાહો ન રૂહતિ.

૧૦૮. સિક્ખામરણલિઙ્ગેહિ, અનપેક્ખવિસગ્ગતો;

અચ્છેદાનુપસમ્પન્ન-દાના ગાહોપસમ્મતિ.

૧૦૯. અપ્પટિગ્ગહિતં સબ્બં, પાચિત્તિ પરિભુઞ્જતો;

સુદ્ધઞ્ચ નાતિબહલં, કપ્પતે ઉદકં તથા.

૧૧૦. અઙ્ગલગ્ગમવિચ્છિન્નં, દન્તક્ખિકણ્ણગૂથકં;

લોણસ્સુખેળસિઙ્ઘાણિ-સેમ્હમુત્તકરીસકં.

૧૧૧. ગૂથમત્તિકમુત્તાનિ, છારિકઞ્ચ તથાવિધે;

સામં ગહેત્વા સેવેય્ય, અસન્તે કપ્પકારકે.

૧૧૨. દુરૂપચિણ્ણે રજોકિણ્ણે, અથુગ્ગહપ્પટિગ્ગહે;

અન્તોવુત્થે સયંપક્કે, અન્તોપક્કે ચ દુક્કટન્તિ.