૪૭. સુદ્ધિનિદ્દેસો

સુદ્ધીતિ –

૪૫૫. દેસના સંવરો એટ્ઠિપચ્ચવેક્ખણ ભેદતો;

સુદ્ધી ચતુબ્બિધા પાતિમોક્ખસંવરસમ્મતં;

દેસનાય વિસુદ્ધત્તા, દેસનાસુદ્ધિ વુચ્ચતિ.

૪૫૬. ‘‘ન પુનેવં કરિસ્સ’’ન્તિ, ચિત્તાધિટ્ઠાનસંવરા;

વુત્તો સંવરસુદ્ધીતિ, સુજ્ઝતિન્દ્રિયસંવરો.

૪૫૭. પહાયાનેસનં ધમ્મેનુપ્પાદેન્તસ્સ એટ્ઠિયા;

સુદ્ધત્તા એટ્ઠિસુદ્ધીતિ, વુત્તમાજીવનિસ્સિતં.

૪૫૮. યોનિસો પટિસઙ્ખાય, ચીવરં પટિસેવતિ;

એવમાદિયથાવુત્ત-પચ્ચવેક્ખણસુજ્ઝના;

પચ્ચવેક્ખણસુદ્ધીતિ, વુત્તં પચ્ચયનિસ્સિતન્તિ.