૨૮. કમ્મનિદ્દેસો

કમ્મઞ્ચાતિ –

૧૯૯. વગ્ગેન અધમ્મકમ્મં, સમગ્ગેન અધમ્મિકં;

વગ્ગેન ધમ્મકમ્મઞ્ચ, સમગ્ગેન ચ ધમ્મિકં;

ચતુત્થંયેવાનુઞ્ઞાતં, સેસકમ્મેસુ દુક્કટં.

૨૦૦. ચતુવગ્ગો પઞ્ચવગ્ગો, દસવીસતિવગ્ગિકો;

તિરેકવીસતિવગ્ગો, પઞ્ચ સઙ્ઘા વિભાવિતા.

૨૦૧. ચતુવગ્ગેત્થ અબ્ભાનુ-પસમ્પદાપવારણા;

પઞ્ચવગ્ગો ચ અબ્ભાનં, મજ્ઝદેસુપસમ્પદં.

૨૦૨. દસવગ્ગો ચ અબ્ભાનં, ઠપેત્વા સબ્બકમ્મિકો;

ઇતરો સબ્બકમ્મેસુ, કમ્મપ્પત્તોતિ દીપિતો.

૨૦૩. ચતુવગ્ગેન કત્તબ્બે, ચત્તારો પકતત્તકા;

કમ્મપ્પત્તા પરે છન્દા-રહા સેસેપ્યયં નયો.

૨૦૪. ચતુવગ્ગાદિકત્તબ્બં, અસંવાસકમ્મારહ;

ગરુકટ્ઠેસ્વઞ્ઞતરં, કત્વાન ગણપૂરકં;

પરિવાસાદિકં કમ્મં, કતં કુપ્પઞ્ચ દુક્કટં.

૨૦૫. અધમ્મકમ્મં વારેય્ય, અન્તરાયે દુવે તયો;

દિટ્ઠાવિમેકોધિટ્ઠાનં, વારેન્તેવ તતોધિકા.

૨૦૬. કમ્મારહા અસંવાસા, ખિત્તચિત્તદુખટ્ટિતા;

એતેસં સઙ્ઘમજ્ઝમ્હિ, પટિક્ખેપો ન રુહતિ.

૨૦૭. પકતત્તેકસીમટ્ઠ-સમસંવાસભિક્ખુનો;

આરોચેન્તસ્સન્તમસો-નન્તરસ્સાપિ રૂહતિ.

૨૦૮. કોપેતું ધમ્મિકં કમ્મં, પટિક્કોસેય્ય સમ્મુખા;

તિરોક્ખા કાયસામગ્ગિં, છન્દં નો દેય્ય દુક્કટન્તિ.