૨૨. ઉપાહનનિદ્દેસો

ઉપાહના ચેવાતિ –

૧૭૫. મજ્ઝદેસે ન કપ્પન્તિ, ગણઙ્ગણૂપાહના નવા;

સબ્બસ્સ કપ્પન્તારામે, સબ્બત્થાકલ્લકસ્સ ચ.

૧૭૬. સબ્બનીલકઓદાતપીતલોહિતકણ્હકા;

મહારઙ્ગમહાનામ-રઙ્ગરત્તા ચુપાહના.

૧૭૭. સબ્બમઞ્જેટ્ઠિકા ચિત્રા, નીલપીતાદિવદ્ધિકા;

તિત્તિરપત્તિકા મેણ્ડ-અજવિસાણવદ્ધિકા.

૧૭૮. ખલ્લબદ્ધા પુટબદ્ધા, તૂલપુણ્ણા ચુપાહના;

પાલિગુણ્ઠિમકા મોર-પિઞ્છેન પરિસિબ્બિતા.

૧૭૯. વિચ્છિકાળિકતા સીહબ્યગ્ઘુદ્દાજિનદીપિનં;

મજ્જારકાળકોલૂકચમ્મેહિ ચ પરિક્ખટા;

પાદુકા સઙ્કમનીયા, કોચિ ધારેય્ય દુક્કટં.

૧૮૦. નીલાદિવણ્ણં સકલં, પુઞ્છિત્વા વેકદેસકં;

ઉપાહના વળઞ્જેય્ય, હારેત્વા ખલ્લકાદિકન્તિ.