૧૧. નિસ્સગ્ગિયનિદ્દેસો

નિસ્સગ્ગિયાનીતિ –

૧૧૬. અરૂપિયં રૂપિયેન, રૂપિયં ઇતરેન ચ;

રૂપિયં પરિવત્તેય્ય, નિસ્સગ્ગિ ઇધ રૂપિયં.

૧૧૭. કહાપણો સજ્ઝુ સિઙ્ગી, વોહારૂપગમાસકં;

વત્થમુત્તાદિ ઇતરં, કપ્પં દુક્કટવત્થુ ચ.

૧૧૮. ‘‘ઇમં ગહેત્વા ભુત્વા વા, ઇમં દેહિ કરાનય;

દેમિ વા’’તિ સમાપન્ને, નિસ્સગ્ગિ કયવિક્કયે.

૧૧૯. અત્તનો અઞ્ઞતો લાભં, સઙ્ઘસ્સઞ્ઞસ્સ વા નતં;

પરિણામેય્ય નિસ્સગ્ગિ, પાચિત્તિ ચાપિ દુક્કટં.

૧૨૦. અનિસ્સજ્જિત્વા નિસ્સગ્ગિં, પરિભુઞ્જે ન દેય્ય વા;

નિસ્સટ્ઠં સકસઞ્ઞાય, દુક્કટં અઞ્ઞથેતરન્તિ.