૧. નગ્ગસિક્ખાપદવણ્ણના

નગ્ગવગ્ગસ્સ પઠમે નગ્ગાતિ અનિવત્થા વા અપારુતા વા. એવઞ્હિ નહાયન્તિયા સબ્બપ્પયોગેસુ દુક્કટં, નહાનપરિયોસાને પાચિત્તિયં.

સાવત્થિયં સમ્બહુલા ભિક્ખુનિયો આરબ્ભ એવં નહાનવત્થુસ્મિં પઞ્ઞત્તં, ઉદકસાટિકચીવરે અચ્છિન્ને વા નટ્ઠે વા, ‘‘મહગ્ઘં ઇદં દિસ્વા ચોરાપિ હરેય્યુ’’ન્તિ એવરૂપાસુ આપદાસુ વા નહાયન્તિયા, ઉમ્મત્તિકાદીનઞ્ચ અનાપત્તિ. નગ્ગતા, અનુઞ્ઞાતકારણાભાવો, નહાનપરિયોસાનન્તિ ઇમાનેત્થ તીણિ અઙ્ગાનિ. સમુટ્ઠાનાદીનિ એળકલોમસદિસાનીતિ.

નગ્ગસિક્ખાપદવણ્ણના નિટ્ઠિતા.