(૧૦) ૫. કકુધવગ્ગો
૧-૧૦. પઠમસમ્પદાસુત્તાદિવણ્ણના
૯૧-૧૦૦. પઞ્ચમસ્સ પઠમે દુતિયે ચ નત્થિ વત્તબ્બં. તતિયે આજાનનતો અઞ્ઞા, ઉપરિમગ્ગપઞ્ઞા હેટ્ઠિમમગ્ગેન ઞાતપરિઞ્ઞાય એવ જાનનતો. તસ્સા પન ફલભાવતો મગ્ગફલપઞ્ઞા તંસહગતા સમ્માસઙ્કપ્પાદયો ચ ઇધ ‘‘અઞ્ઞા’’તિ વુત્તા. અઞ્ઞાય બ્યાકરણાનિ અઞ્ઞાબ્યાકરણાનિ. તેનેવાહ ‘‘અઞ્ઞાબ્યાકરણાનીતિ અરહત્તબ્યાકરણાની’’તિ. અધિગતમાનેનાતિ અપ્પત્તે પત્તસઞ્ઞી, અનધિગતે અધિગતસઞ્ઞી હુત્વા અધિગતં મયાતિ માનેન. ચતુત્થાદીનિ ઉત્તાનત્થાનેવ.
પઠમસમ્પદાસુત્તાદિવણ્ણના નિટ્ઠિતા.
કકુધવગ્ગવણ્ણના નિટ્ઠિતા.
દુતિયપણ્ણાસકં નિટ્ઠિતં.