૧૯. એકૂનવીસતિમો પરિચ્છેદો

કઙ્ખાવિતરણવિસુદ્ધિનિદ્દેસવણ્ણના

૧૨૩૧. ઇચ્ચેવમાદિબાત્તિંસકોટ્ઠાસાનં પચ્ચયસ્સ હેતુપચ્ચયે તાવ યોગી મનસા પરિગ્ગણ્હાતિ.

૧૨૩૩. હેત્વઙ્કુરસ્સ બીજં તુ બીજં અઙ્કુરસ્સ હેતુજનકં, પથવાદયો અઙ્કુરસ્સ પચ્ચયા.

૧૨૩૪. પઞ્ચ ધમ્માતિ અવિજ્જાતણ્હુપાદાનકમ્માહારા હેતુપચ્ચયા ધમ્મા.

૧૨૩૫. કમ્મં પુત્તસ્સ જનકો પિતા વિય નામરૂપસ્સ જનકં.

૧૨૩૮. પચ્ચયાતિ પચ્ચયેન.

૧૨૪૦. યા સાતિ યા સા કઙ્ખા. પુબ્બન્તે પુબ્બકોટ્ઠાસે.

૧૨૪૧. સબ્બથા સબ્બકોટ્ઠાસતો અનવસેસાવ તસ્સ યોગિનો સા કઙ્ખા પહિય્યતિ નાસીયતે.

૧૨૪૩. અત્થસાધિકાતિ કુસલપક્ખે દાનાદિઅત્થસાધિકા, અકુસલપક્ખે પાણાતિપાતાદિઅત્થસાધિકા.

તં વિપાકન્તિ ઉપઘાતકકમ્મસ્સ તં વિપાકં ઉપ્પન્નં નામ હોતિ. એવં એકો યોગી કમ્મવિપાકવસેન નામરૂપસ્સ પચ્ચયપરિગ્ગહં કરોતિ.

૧૨૪૬. હેતુફલસ્સ સમ્બન્ધવસેનાતિ હેતુફલસમ્બન્ધવસેન ઇદં નામરૂપં કેવલં એકન્તેન પવત્તતિ, ઇતિ સમ્મા અવિપરીતાકારેન સં અનુપસ્સતિ.

૧૨૪૭. પાકપ્પવત્તિતો ઉદ્ધં પાકપટિવેદકં ન પસ્સતિ ન જાનિયતે.

૧૨૫૦-૧. અપ્પવત્તિ નામ ન દિસ્સતિ, ઉપપન્નં દિસ્સતિ. તિત્થિયા એતમત્થં અનઞ્ઞાય અજાનિત્વા અસયંવસી સત્તસઞ્ઞન્તિ ‘‘સત્તો’’તિ સઞ્ઞં ગહેત્વાન સસ્સતઉચ્છેદદસ્સિનો અઞ્ઞમઞ્ઞં વિરોધિનો હુત્વા દ્વાસટ્ઠિદિટ્ઠિં ગણ્હન્તિ.

૧૨૫૪. ઉભોતિ ઉભો કમ્મવિપાકા અઞ્ઞમઞ્ઞતો સુઞ્ઞા. ન ચ કમ્મં વિના ફલન્તિ કમ્મં વિના ફલં ન ચ હોતિ.

૧૨૫૫. સમ્ભારેહીતિ સૂરિયાદિસમ્ભારેહિ.

૧૨૫૭. સુઞ્ઞં તં નામરૂપધમ્મં.

૧૨૫૮. હેતુસમ્ભારપચ્ચયાતિ હેતુના ચ સમ્ભારપચ્ચયેહિ ચ.

ઇતિ અભિધમ્માવતારટીકાય

કઙ્ખાવિતરણવિસુદ્ધિનિદ્દેસવણ્ણના નિટ્ઠિતા.

એકૂનવીસતિમો પરિચ્છેદો.