૧૫. પન્નરસમો પરિચ્છેદો

અરૂપાવચરસમાધિભાવનાનિદ્દેસવણ્ણના

૯૮૨-૩. રૂપે ખો વિજ્જમાનસ્મિન્તિ રૂપકાયે વિજ્જમાને દણ્ડાદાનાદયો દણ્ડગ્ગહણાદયો. ઇતિ રૂપે રૂપકાયે આદીનવં દિસ્વા.

૯૮૪. સૂકરાભિહતોવ સાતિ સૂકરં અનુબન્ધિતો સા સુનખો વિય.

૯૮૫. વસીતિ યોગી.

૯૮૮-૯૯૦. ફુટ્ઠોકાસઞ્ચ તેન તન્તિ તેન ચિત્તેન ફુટ્ઠં તમોકાસં ‘‘અનન્તો આકાસો’’ઇતિ ચ મનસા કરોન્તો એવ ઉગ્ઘાટેતિ. ઇતિ વચનં વુચ્ચતે, અયમઞ્ઞો નયો, ‘‘આકાસો’’ ઇતિ મનસા કરોન્તો તં કસિણં ન સંવેલ્લેતિ.

૯૯૮. રૂપાવચરજ્ઝાનમેવ પચ્ચત્થિકં રૂપાવચરજ્ઝાનપચ્ચત્થિકં.

૧૦૦૪. આકાસફુટવિઞ્ઞાણેતિ ફુટમેવ વિઞ્ઞાણં ફુટવિઞ્ઞાણં, તસ્મિં આકાસારમ્મણે ફુટવિઞ્ઞાણે.

૧૦૦૫-૬. અયં આકાસો અનન્તો ઇતિ એવં તં આકાસમેવ ફરિત્વા પવત્તં વિઞ્ઞાણં વિઞ્ઞાણઞ્ચ ઇતિ વચનં વુચ્ચતે. વિઞ્ઞાણં અનન્તં નામ ન હોતિ, અનન્તારમ્મણત્તા ‘‘વિઞ્ઞાણં અનન્ત’’ન્તિ વુચ્ચતે, તં વિઞ્ઞાણં મનક્કારવસેન અપિ અનન્તં પરિદીપિતં.

૧૦૧૦. પઠમારુપ્પવિઞ્ઞાણસ્સ અભાવો તસ્સ એવ પઠમારુપ્પસ્સ સુઞ્ઞતો સુઞ્ઞભાવતો.

૧૦૧૩. સતિ તિટ્ઠતિ ભિય્યો બલવા સતિ તિટ્ઠતિ.

૧૦૧૫. અભાવકે નત્થિભાવે.

૧૦૧૭-૮. દુતિયારુપ્પચક્ખુનાતિ ચક્ખુના દુતિયારુપ્પં ‘‘નત્થિ નત્થી’’તિઆદિના આકારેન પરિકમ્મવસેન મનક્કારે. તસ્સાપગમમત્તઞ્ચ તસ્સ પઠમારુપ્પસ્સ અપગમમત્તઞ્ચ.

૧૦૨૯. યા નામ અયં સમાપત્તિ અભાવમત્તમ્પિ ગોચરં કત્વા ઠસ્સતિ, અયં સમાપત્તિ વત એકન્તેન અહો સન્તાતિ પદિસ્સતિ.

૧૦૩૩. યાય સઞ્ઞાય નેવસઞ્ઞી, નાસઞ્ઞી ચ હોતિ, કેવલં એકન્તેન અથ ખો સા સઞ્ઞા એદિસી ન હોતિ.

૧૦૩૫-૭. પટુસઞ્ઞાય કિચ્ચસ્સ નેવ કરણતો અયં સમાપત્તિ ‘‘નેવસઞ્ઞા’’તિ નિદ્દિટ્ઠાતિ ચતુત્થઆરુપ્પતો સમ્ભવા પવત્તા તેજોધાતુ સુખોદકે દહનકિચ્ચં કાતું ન સક્કોતિ યથા, સા સઙ્ખારધમ્માનં અવસેસત્તા.

૧૦૪૦. પાસાદતલઞ્ચ સાટિકા ચ.

૧૦૪૧. યો પન ભિક્ખુ ઇમં રૂપારૂપજ્ઝાનસમાપત્તિવિધાનં સારતરં જાનાતિ, સો રૂપારૂપજ્ઝાનસમાપત્તિપુરેક્ખો સેક્ખો ભવં કામભવં અભિભુય્ય અભિભવિત્વા રૂપારૂપં યાતિ પાપુણાતિ.

ઇતિ અભિધમ્માવતારટીકાય

અરૂપાવચરસમાધિભાવનાનિદ્દેસવણ્ણના નિટ્ઠિતા.

પન્નરસમો પરિચ્છેદો.