૨. દુક્કરસુત્તં

૩૩૧. ‘‘કિં નુ ખો, આવુસો સારિપુત્ત, ઇમસ્મિં ધમ્મવિનયે દુક્કર’’ન્તિ? ‘‘પબ્બજ્જા ખો, આવુસો, ઇમસ્મિં ધમ્મવિનયે દુક્કરા’’તિ. ‘‘પબ્બજિતેન પનાવુસો, કિં દુક્કર’’ન્તિ? ‘‘પબ્બજિતેન ખો, આવુસો, અભિરતિ દુક્કરા’’તિ. ‘‘અભિરતેન પનાવુસો, કિં દુક્કર’’ન્તિ? ‘‘અભિરતેન ખો, આવુસો, ધમ્માનુધમ્મપ્પટિપત્તિ દુક્કરા’’તિ. ‘‘કીવચિરં પનાવુસો, ધમ્માનુધમ્મપ્પટિપન્નો ભિક્ખુ અરહં અસ્સા’’તિ? ‘‘નચિરં, આવુસો’’તિ. સોળસમં.

(પુરિમકસદિસં ઉદ્દાનં.)

સામણ્ડકસંયુત્તં સમત્તં.