૮. સિઙ્ગાલસુત્તં

૧૬૪. સાવત્થિયં વિહરતિ…પે… ‘‘દારુણો, ભિક્ખવે, લાભસક્કારસિલોકો…પે… અધિગમાય. અસ્સુત્થ નો તુમ્હે, ભિક્ખવે, રત્તિયા પચ્ચૂસસમયં જરસિઙ્ગાલસ્સ [સિઙ્ગાલસ્સ (ક.), જરસિગાલસ્સ (સી. સ્યા. કં.)] વસ્સમાનસ્સા’’તિ? ‘‘એવં, ભન્તે’’. ‘‘એસો ખો, ભિક્ખવે, જરસિઙ્ગાલો ઉક્કણ્ડકેન [ઉક્કણ્ડકેન (સી.), ઉક્કણ્ણકેન (સ્યા. કં. પી.)] નામ રોગજાતેન ફુટ્ઠો નેવ બિલગતો રમતિ, ન રુક્ખમૂલગતો રમતિ, ન અજ્ઝોકાસગતો રમતિ; યેન યેન ગચ્છતિ, યત્થ યત્થ તિટ્ઠતિ, યત્થ યત્થ નિસીદતિ, યત્થ યત્થ નિપજ્જતિ; તત્થ તત્થ અનયબ્યસનં આપજ્જતિ. એવમેવ ખો, ભિક્ખવે, ઇધેકચ્ચો ભિક્ખુ લાભસક્કારસિલોકેન અભિભૂતો પરિયાદિણ્ણચિત્તો નેવ સુઞ્ઞાગારગતો રમતિ, ન રુક્ખમૂલગતો રમતિ, ન અજ્ઝોકાસગતો રમતિ; યેન યેન ગચ્છતિ, યત્થ યત્થ તિટ્ઠતિ, યત્થ યત્થ નિસીદતિ, યત્થ યત્થ નિપજ્જતિ; તત્થ તત્થ અનયબ્યસનં આપજ્જતિ. એવં દારુણો ખો, ભિક્ખવે, લાભસક્કારસિલોકો…પે… એવઞ્હિ વો, ભિક્ખવે, સિક્ખિતબ્બ’’ન્તિ. અટ્ઠમં.