૨. તિસ્સમેત્તેય્યમાણવપુચ્છા

૧૦૪૬. ‘‘કોધ સન્તુસિતો લોકે, (ઇચ્ચાયસ્મા તિસ્સમેત્તેય્યો)

કસ્સ નો સન્તિ ઇઞ્જિતા;

કો ઉભન્તમભિઞ્ઞાય, મજ્ઝે મન્તા ન લિપ્પતિ [લિમ્પતિ (ક.)];

કં બ્રૂસિ મહાપુરિસોતિ, કો ઇધ સિબ્બિનિમચ્ચગા’’.

૧૦૪૭. ‘‘કામેસુ બ્રહ્મચરિયવા, (મેત્તેય્યાતિ ભગવા)

વીતતણ્હો સદા સતો;

સઙ્ખાય નિબ્બુતો ભિક્ખુ, તસ્સ નો સન્તિ ઇઞ્જિતા.

૧૦૪૮. ‘‘સો ઉભન્તમભિઞ્ઞાય, મજ્ઝે મન્તા ન લિપ્પતિ;

તં બ્રૂમિ મહાપુરિસોતિ, સો ઇધ સિબ્બિનિમચ્ચગા’’તિ.

તિસ્સમેત્તેય્યમાણવપુચ્છા દુતિયા નિટ્ઠિતા.