૪. કુમારપઞ્હા

૧. ‘‘એકં નામ કિં’’? ‘‘સબ્બે સત્તા આહારટ્ઠિતિકા’’.

૨. ‘‘દ્વે નામ કિં’’? ‘‘નામઞ્ચ રૂપઞ્ચ’’.

૩. ‘‘તીણિ નામ કિં’’? ‘‘તિસ્સો વેદના’’.

૪. ‘‘ચત્તારિ નામ કિં’’? ‘‘ચત્તારિ અરિયસચ્ચાનિ’’.

૫. ‘‘પઞ્ચ નામ કિં’’? ‘‘પઞ્ચુપાદાનક્ખન્ધા’’.

૬. ‘‘છ નામ કિં’’? ‘‘છ અજ્ઝત્તિકાનિ આયતનાનિ’’.

૭. ‘‘સત્ત નામ કિં’’? ‘‘સત્ત બોજ્ઝઙ્ગા’’.

૮. ‘‘અટ્ઠ નામ કિં’’? ‘‘અરિયો અટ્ઠઙ્ગિકો મગ્ગો’’.

૯. ‘‘નવ નામ કિં’’? ‘‘નવ સત્તાવાસા’’.

૧૦. ‘‘દસ નામ કિં’’? ‘‘દસહઙ્ગેહિ સમન્નાગતો ‘અરહા’તિ વુચ્ચતી’’તિ.

કુમારપઞ્હા નિટ્ઠિતા.