૪૪૮. કુક્કુટજાતકં (૧૦)

૧૦૪. નાસ્મસે કતપાપમ્હિ, નાસ્મસે અલિકવાદિને;

નાસ્મસે અત્તત્થપઞ્ઞમ્હિ, અતિસન્તેપિ નાસ્મસે.

૧૦૫. ભવન્તિ હેકે પુરિસા, ગોપિપાસિકજાતિકા [ગોપિપાસકજાતિકા (સી. સ્યા. પી.)];

ઘસન્તિ મઞ્ઞે મિત્તાનિ, વાચાય ન ચ કમ્મુના.

૧૦૬. સુક્ખઞ્જલિપગ્ગહિતા, વાચાય પલિગુણ્ઠિતા;

મનુસ્સફેગ્ગૂ નાસીદે, યસ્મિં નત્થિ કતઞ્ઞુતા.

૧૦૭. ન હિ અઞ્ઞઞ્ઞચિત્તાનં, ઇત્થીનં પુરિસાન વા;

નાનાવિકત્વા [નાનાવ કત્વા (સી. પી.)] સંસગ્ગં, તાદિસમ્પિ ચ નાસ્મસે [તાદિસમ્પિ ન વિસ્સસે (સ્યા.)].

૧૦૮. અનરિયકમ્મમોક્કન્તં, અથેતં [અત્થેતં (સી. સ્યા. પી.)] સબ્બઘાતિનં;

નિસિતંવ પટિચ્છન્નં, તાદિસમ્પિ ચ નાસ્મસે.

૧૦૯. મિત્તરૂપેનિધેકચ્ચે, સાખલ્યેન અચેતસા;

વિવિધેહિ ઉપાયન્તિ, તાદિસમ્પિ ચ નાસ્મસે.

૧૧૦. આમિસં વા ધનં વાપિ, યત્થ પસ્સતિ તાદિસો;

દુબ્ભિં કરોતિ દુમ્મેધો, તઞ્ચ હન્ત્વાન [ઝાત્વાન (સી. પી.), હિત્વાન (સ્યા.)] ગચ્છતિ.

૧૧૧. મિત્તરૂપેન બહવો, છન્ના સેવન્તિ સત્તવો;

જહે કાપુરિસે હેતે, કુક્કુટો વિય સેનકં.

૧૧૨. યો ચ [યોધ (જા. ૧.૮.૨૫ સુલસાજાતકે)] ઉપ્પતિતં અત્થં, ન ખિપ્પમનુબુજ્ઝતિ;

અમિત્તવસમન્વેતિ, પચ્છા ચ અનુતપ્પતિ.

૧૧૩. યો ચ ઉપ્પતિતં અત્થં, ખિપ્પમેવ નિબોધતિ;

મુચ્ચતે સત્તુસમ્બાધા, કુક્કુટો વિય સેનકા;

૧૧૪. તં તાદિસં કૂટમિવોડ્ડિતં વને, અધમ્મિકં નિચ્ચવિધંસકારિનં;

આરા વિવજ્જેય્ય નરો વિચક્ખણો, સેનં યથા કુક્કુટો વંસકાનનેતિ.

કુક્કુટજાતકં દસમં.