૧. એકકનિપાતો

૧. અપણ્ણકવગ્ગો

૧. અપણ્ણકજાતકં

૧. અપણ્ણકં ઠાનમેકે, દુતિયં આહુ તક્કિકા;

એતદઞ્ઞાય મેધાવી, તં ગણ્હે યદપણ્ણકન્તિ [તં ગણ્હેય્ય અપણ્ણકં (ક.)].

અપણ્ણકજાતકં પઠમં.

૨. વણ્ણુપથજાતકં

૨. અકિલાસુનો વણ્ણુપથે [વણ્ણપથે (ક.)] ખણન્તા, ઉદઙ્ગણે તત્થ પપં અવિન્દું;

એવં મુની વીરિય [મુનિ વિરિય (પી.), મુનિ વીરિય (સ્યા. ક.)] બલૂપપન્નો, અકિલાસુ વિન્દે હદયસ્સ સન્તિન્તિ.

વણ્ણુપથજાતકં દુતિયં.

૩. સેરિવવાણિજજાતકં

૩. ઇધ ચે નં [ઇધ ચે હિ નં (સી. પી.)] વિરાધેસિ, સદ્ધમ્મસ્સ નિયામતં [નિયામકં (સ્યા. ક.)];

ચિરં ત્વં અનુતપ્પેસિ [અનુતપેસ્સસિ (સી. પી.), અનુતપ્પિસ્સસિ (?)], સેરિવાયંવ વાણિજોતિ.

સેરિવવાણિજજાતકં તતિયં.

૪. ચૂળસેટ્ઠિજાતકં

૪. અપ્પકેનપિ મેધાવી, પાભતેન વિચક્ખણો;

સમુટ્ઠાપેતિ અત્તાનં, અણું અગ્ગિંવ સન્ધમન્તિ.

ચૂળ [ચુલ્લ (સી.), ચુલ્લક (સ્યા. પી.)] સેટ્ઠિજાતકં ચતુત્થં.

૫. તણ્ડુલનાળિજાતકં

૫. [કિમગ્ઘતી તણ્ડુલનાળિકા ચ, બારાણસી અન્તરબાહિરાનિ; અસ્સપઞ્ચસતે તાનિ, એકા તણ્ડુલનાળિકાતિ; (સ્યા.)] કિમગ્ઘતિ તણ્ડુલનાળિકાય, અસ્સાન મૂલાય વદેહિ રાજ [નાળિકા ચ (સી.), નાળિકાય (ક. સી. અટ્ઠ.)];

બારાણસિં સન્તરબાહિરતો [બાહિરન્તં (સી.)], અયમગ્ઘતિ તણ્ડુલનાળિકાતિ [કિમગ્ઘતી વણ્ડુલનાળિકા ચ, બારાણસી અન્તરબાહિરાનિ; અસ્સપઞ્ચસતે તાનિ, એકા તણ્ડુલનાળિકાતિ; (સ્યા.)].

તણ્ડુલનાળિજાતકં પઞ્ચમં.

૬. દેવધમ્મજાતકં

૬. હિરિઓત્તપ્પસમ્પન્ના, સુક્કધમ્મસમાહિતા;

સન્તો સપ્પુરિસા લોકે, દેવધમ્માતિ વુચ્ચરેતિ.

દેવધમ્મજાતકં છટ્ઠં.

૭. કટ્ઠહારિજાતકં

૭. પુત્તો ત્યાહં મહારાજ, ત્વં મં પોસ જનાધિપ;

અઞ્ઞેપિ દેવો પોસેતિ, કિઞ્ચ [કિઞ્ચિ (ક.)] દેવો સકં પજન્તિ.

કટ્ઠહારિ [કટ્ઠવાહન (ક.)] જાતકં સત્તમં.

૮. ગામણિજાતકં

૮. અપિ અતરમાનાનં, ફલાસાવ સમિજ્ઝતિ;

વિપક્કબ્રહ્મચરિયોસ્મિ, એવં જાનાહિ ગામણીતિ.

ગામણિજાતકં અટ્ઠમં.

૯. મઘદેવજાતકં

૯. ઉત્તમઙ્ગરુહા મય્હં, ઇમે જાતા વયોહરા;

પાતુભૂતા દેવદૂતા, પબ્બજ્જાસમયો મમાતિ.

મઘદેવ [મખાદેવ (સી. પી.), દેવદૂત (ક.)] જાતકં નવમં.

૧૦. સુખવિહારિજાતકં

૧૦. યઞ્ચ અઞ્ઞે ન રક્ખન્તિ, યો ચ અઞ્ઞે ન રક્ખતિ;

સ વે રાજ સુખં સેતિ, કામેસુ અનપેક્ખવાતિ.

સુખવિહારિજાતકં દસમં.

અપણ્ણકવગ્ગો પઠમો.

તસ્સુદ્દાનં –

વરાપણ્ણક વણ્ણુપથ સેરિવરો, સુવિચક્ખણ તણ્ડુલનાળિકસ્સા;

હિરિ પુત્તવરુત્તગામણિના, યો ચ ન રક્ખતિ તેન દસાતિ.

૨. સીલવગ્ગો

૧૧. લક્ખણમિગજાતકં

૧૧. હોતિ સીલવતં અત્થો, પટિસન્થાર [પટિસન્ધાર (ક.)] વુત્તિનં;

લક્ખણં પસ્સ આયન્તં, ઞાતિસઙ્ઘપુરક્ખતં [પુરક્ખિતં (સ્યા.), પુરેક્ખિતં (ક.)];

અથ પસ્સસિમં કાળં, સુવિહીનંવ ઞાતિભીતિ.

લક્ખણમિગજાતકં પઠમં.

૧૨. નિગ્રોધમિગજાતકં

૧૨. નિગ્રોધમેવ સેવેય્ય, ન સાખમુપસંવસે;

નિગ્રોધસ્મિં મતં સેય્યો, યઞ્ચે સાખસ્મિ [સાખસ્મિં (સી. પી.)] જીવિતન્તિ.

નિગ્રોધમિગજાતકં દુતિયં.

૧૩. કણ્ડિજાતકં

૧૩. ધિરત્થુ કણ્ડિનં સલ્લં, પુરિસં ગાળ્હવેધિનં;

ધિરત્થુ તં જનપદં, યત્થિત્થી પરિણાયિકા;

તે ચાપિ ધિક્કિતા [ધિક્કતા (?)] સત્તા, યે ઇત્થીનં વસંગતાતિ.

કણ્ડિજાતકં તતિયં.

૧૪. વાતમિગજાતકં

૧૪. ન કિરત્થિ રસેહિ પાપિયો, આવાસેહિ વ [વા (સબ્બત્થ)] સન્થવેહિ વા;

વાતમિગં ગહનનિસ્સિતં [ગેહનિસ્સિતં (સી. પી.)], વસમાનેસિ રસેહિ સઞ્જયોતિ.

વાતમિગજાતકં ચતુત્થં.

૧૫. ખરાદિયજાતકં

૧૫. અટ્ઠક્ખુરં ખરાદિયે, મિગં વઙ્કાતિવઙ્કિનં;

સત્તહિ કાલાતિક્કન્તં [સત્તહિ કલાહ’તિક્કન્તં (સી.), સત્તકાલેહ’તિક્કન્તં (સ્યા.), સત્તહિ કાલાહ’તિક્કન્તં (પી.)], ન નં ઓવદિતુસ્સહેતિ.

ખરાદિયજાતકં પઞ્ચમં.

૧૬. તિપલ્લત્થમિગજાતકં

૧૬. મિગં તિપલ્લત્થ [તિપલ્લત્ત (ક.)] મનેકમાયં, અટ્ઠક્ખુરં અડ્ઢરત્તાપપાયિં [અડ્ઢરત્તાવપાયિં (સી. પી.)];

એકેન સોતેન છમાસ્સસન્તો, છહિ કલાહિતિભોતિ [કલાહતિભોતિ (સી. સ્યા. પી.)] ભાગિનેય્યોતિ.

તિપલ્લત્થમિગજાતકં છટ્ઠં.

૧૭. માલુતજાતકં

૧૭. કાળે વા યદિ વા જુણ્હે, યદા વાયતિ માલુતો;

વાતજાનિ હિ સીતાનિ, ઉભોત્થમપરાજિતાતિ.

માલુતજાતકં સત્તમં.

૧૮. મતકભત્તજાતકં

૧૮. એવં ચે સત્તા જાનેય્યું, દુક્ખાયં જાતિસમ્ભવો;

ન પાણો પાણિનં હઞ્ઞે, પાણઘાતી હિ સોચતીતિ.

મતકભત્તજાતકં અટ્ઠમં.

૧૯. આયાચિતભત્તજાતકં

૧૯. સચે મુચ્ચે [મુઞ્ચે (સી. સ્યા. પી.)] પેચ્ચ મુચ્ચે [મુઞ્ચે (સી. સ્યા. પી.)], મુચ્ચમાનો હિ બજ્ઝતિ;

ન હેવં ધીરા મુચ્ચન્તિ, મુત્તિ બાલસ્સ બન્ધનન્તિ.

આયાચિતભત્તજાતકં નવમં.

૨૦. નળપાનજાતકં

૨૦. દિસ્વા પદમનુત્તિણ્ણં, દિસ્વાનોતરિતં પદં;

નળેન વારિં પિસ્સામ [પિવિસ્સામ (સી. સ્યા. પી.)], નેવ [ન ચ (ક.)] મં ત્વં વધિસ્સસીતિ.

નળપાનજાતકં દસમં.

સીલવગ્ગો દુતિયો.

તસ્સુદ્દાનં –

અથ લક્ખણ સાખ ધિરત્થુ પુન, ન કિરત્થિ રસેહિ ખરાદિયા;

અતિભોતિ વર [રસ (સબ્બત્થ)] માલુત પાણ, મુચ્ચેન નળઅવ્હયનેન ભવન્તિ દસાતિ.

૩. કુરુઙ્ગવગ્ગો

૨૧. કુરુઙ્ગમિગજાતકં

૨૧. ઞાતમેતં કુરુઙ્ગસ્સ, યં ત્વં સેપણ્ણિ સિય્યસિ [સેય્યસિ (સી. સ્યા. પી.)];

અઞ્ઞં સેપણ્ણિ ગચ્છામિ, ન મે તે રુચ્ચતે ફલન્તિ.

કુરુઙ્ગમિગજાતકં પઠમં.

૨૨. કુક્કુરજાતકં

૨૨. યે કુક્કુરા રાજકુલમ્હિ વદ્ધા, કોલેય્યકા વણ્ણબલૂપપન્ના;

તેમે ન વજ્ઝા મયમસ્મ વજ્ઝા, નાયં સઘચ્ચા દુબ્બલઘાતિકાયન્તિ.

કુક્કુરજાતકં દુતિયં.

૨૩. ગોજાનીયજાતકં

૨૩. અપિ પસ્સેન સેમાનો, સલ્લેભિ સલ્લલીકતો;

સેય્યોવ વળવા ગોજો [ભોજ્જો (સી.), ભોજ્ઝો (સ્યા. પી.)], યુઞ્જ મઞ્ઞેવ સારથીતિ.

ગોજાનીય [ભોજાજાનીય (સી. સ્યા. પી.)] જાતકં તતિયં.

૨૪. આજઞ્ઞજાતકં

૨૪. યદા યદા યત્થ યદા, યત્થ યત્થ યદા યદા;

આજઞ્ઞો કુરુતે વેગં, હાયન્તિ તત્થ વાળવાતિ.

આજઞ્ઞજાતકં ચતુત્થં.

૨૫. તિત્થજાતકં

૨૫. અઞ્ઞમઞ્ઞેહિ તિત્થેહિ, અસ્સં પાયેહિ સારથિ;

અચ્ચાસનસ્સ પુરિસો, પાયાસસ્સપિ તપ્પતીતિ.

તિત્થજાતકં પઞ્ચમં.

૨૬. મહિળામુખજાતકં

૨૬. પુરાણચોરાન વચો નિસમ્મ, મહિળામુખો પોથયમન્વચારી;

સુસઞ્ઞતાનઞ્હિ વચો નિસમ્મ, ગજુત્તમો સબ્બગુણેસુ અટ્ઠાતિ.

મહિળામુખજાતકં છટ્ઠં.

૨૭. અભિણ્હજાતકં

૨૭. નાલં કબળં પદાતવે, ન ચ પિણ્ડં ન કુસે ન ઘંસિતું;

મઞ્ઞામિ અભિણ્હદસ્સના, નાગો સ્નેહમકાસિ [સિનેહમકાસિ (સી. સ્યા. પી.)] કુક્કુરેતિ.

અભિણ્હજાતકં સત્તમં.

૨૮. નન્દિવિસાલજાતકં

૨૮. મનુઞ્ઞમેવ ભાસેય્ય, નામનુઞ્ઞં કુદાચનં;

મનુઞ્ઞં ભાસમાનસ્સ, ગરું ભારં ઉદદ્ધરિ;

ધનઞ્ચ નં અલાભેસિ, તેન ચત્તમનો અહૂતિ.

નન્દિવિસાલજાતકં અટ્ઠમં.

૨૯. કણ્હજાતકં

૨૯. યતો યતો ગરુ ધુરં, યતો ગમ્ભીરવત્તની;

તદાસ્સુ કણ્હં યુઞ્જન્તિ, સ્વાસ્સુ તં વહતે ધુરન્તિ.

કણ્હજાતકં નવમં.

૩૦. મુનિકજાતકં

૩૦. મા મુનિકસ્સ પિહયિ, આતુરન્નાનિ ભુઞ્જતિ;

અપ્પોસ્સુક્કો ભુસં ખાદ, એતં દીઘાયુલક્ખણન્તિ.

મુનિકજાતકં દસમં.

કુરુઙ્ગવગ્ગો તતિયો.

તસ્સુદ્દાનં –

કુરુઙ્ગસ્સ કુક્કુરગોજવરો, પુન વાળવસ્સસિરિવ્હયનો [સિરિવયનો (સબ્બત્થ)];

મહિળામુખનામનુઞ્ઞવરો, વહતે ધુર મુનિકેન દસાતિ.

૪. કુલાવકવગ્ગો

૩૧. કુલાવકજાતકં

૩૧. કુલાવકા માતલિ સિમ્બલિસ્મિં, ઈસામુખેન પરિવજ્જયસ્સુ;

કામં ચજામ અસુરેસુ પાણં, મા મે દિજા વિક્કુલવા [માયિમે દિજા વિકુલાવા (સી. સ્યા. પી.)] અહેસુન્તિ.

કુલાવકજાતકં પઠમં.

૩૨. નચ્ચજાતકં

૩૨. રુદં મનુઞ્ઞં રુચિરા ચ પિટ્ઠિ, વેળુરિયવણ્ણૂપનિભા [વણ્ણૂપટિભા (સ્યા.), વણ્ણસન્નિભા (ક.)] ચ ગીવા;

બ્યામમત્તાનિ ચ પેખુણાનિ, નચ્ચેન તે ધીતરં નો દદામીતિ.

નચ્ચજાતકં દુતિયં.

૩૩. સમ્મોદમાનજાતકં

૩૩. સમ્મોદમાના ગચ્છન્તિ, જાલમાદાય પક્ખિનો;