૩. નિપન્નઞ્જલિકત્થેરઅપદાનં

૧૬. ‘‘રુક્ખમૂલે નિસિન્નોહં, બ્યાધિતો પરમેન ચ;

પરમકારુઞ્ઞપત્તોમ્હિ, અરઞ્ઞે કાનને અહં.

૧૭. ‘‘અનુકમ્પં ઉપાદાય, તિસ્સો સત્થા ઉપેસિ મં;

સોહં નિપન્નકો સન્તો, સિરે કત્વાન અઞ્જલિં.

૧૮. ‘‘પસન્નચિત્તો સુમનો, સબ્બસત્તાનમુત્તમં;

સમ્બુદ્ધં અભિવાદેત્વા, તત્થ કાલઙ્કતો અહં.

૧૯. ‘‘દ્વેનવુતે ઇતો કપ્પે, યં વન્દિં પુરિસુત્તમં;

દુગ્ગતિં નાભિજાનામિ, વન્દનાય ઇદં ફલં.

૨૦. ‘‘ઇતો પઞ્ચમકે કપ્પે, પઞ્ચેવાસું મહાસિખા;

સત્તરતનસમ્પન્ના, ચક્કવત્તી મહબ્બલા.

૨૧. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા નિપન્નઞ્જલિકો થેરો ઇમા ગાથાયો અભાસિત્થાતિ.

નિપન્નઞ્જલિકત્થેરસ્સાપદાનં તતિયં.