૯. સુમનત્થેરઅપદાનં

૬૨. ‘‘સુમનો નામ નામેન, માલાકારો અહં તદા;

અદ્દસં વિરજં બુદ્ધં, લોકાહુતિપટિગ્ગહં.

૬૩. ‘‘ઉભો હત્થેહિ પગ્ગય્હ, સુમનં પુપ્ફમુત્તમં;

બુદ્ધસ્સ અભિરોપેસિં, સિખિનો લોકબન્ધુનો.

૬૪. ‘‘ઇમાય પુપ્ફપૂજાય, ચેતનાપણિધીહિ ચ;

દુગ્ગતિં નાભિજાનામિ, બુદ્ધપૂજાયિદં ફલં.

૬૫. ‘‘એકત્તિંસે ઇતો કપ્પે, યં પુપ્ફમભિરોપયિં;

દુગ્ગતિં નાભિજાનામિ, બુદ્ધપૂજાયિદં [પુપ્ફપૂજાયિદં (સી.)] ફલં.

૬૬. ‘‘છબ્બીસતિમ્હિ કપ્પમ્હિ, ચત્તારોસું મહાયસા;

સત્તરતનસમ્પન્ના, રાજાનો ચક્કવત્તિનો.

૬૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સુમનો થેરો ઇમા ગાથાયો અભાસિત્થાતિ.

સુમનત્થેરસ્સાપદાનં નવમં.