૬. દણ્ડદાયકત્થેરઅપદાનં

૩૬. ‘‘કાનનં વનમોગય્હ, વેળું છેત્વાનહં તદા;

આલમ્બણં કરિત્વાન, સઙ્ઘસ્સ અદદિં બહું [અહં (સી. સ્યા. પી.)].

૩૭. ‘‘તેન ચિત્તપ્પસાદેન, સુબ્બતે અભિવાદિય;

આલમ્બદણ્ડં દત્વાન, પક્કામિં ઉત્તરામુખો.

૩૮. ‘‘ચતુન્નવુતિતો કપ્પે, યં દણ્ડમદદિં તદા;

દુગ્ગતિં નાભિજાનામિ, દણ્ડદાનસ્સિદં ફલં.

૩૯. ‘‘કિલેસા ઝાપિતા મય્હં…પે… વિહરામિ અનાસવો.

૪૦. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૧. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા દણ્ડદાયકો થેરો ઇમા ગાથાયો

અભાસિત્થાતિ.

દણ્ડદાયકત્થેરસ્સાપદાનં છટ્ઠં.

તેવીસતિમં ભાણવારં.