૮. ઘોસસઞ્ઞકત્થેરઅપદાનં

૪૪. ‘‘મિગલુદ્દો પુરે આસિં, અરઞ્ઞે વિપિને અહં;

અદ્દસં વિરજં બુદ્ધં, દેવસઙ્ઘપુરક્ખતં.

૪૫. ‘‘ચતુસચ્ચં પકાસેન્તં, દેસેન્તં અમતં પદં;

અસ્સોસિં મધુરં ધમ્મં, સિખિનો લોકબન્ધુનો.

૪૬. ‘‘ઘોસે ચિત્તં પસાદેસિં, અસમપ્પટિપુગ્ગલે;

તત્થ ચિત્તં પસાદેત્વા, ઉત્તરિં [અતરિં (સી. પી.)] દુત્તરં ભવં.

૪૭. ‘‘એકતિંસે ઇતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, ઘોસસઞ્ઞાયિદં ફલં.

૪૮. ‘‘કિલેસા ઝાપિતા મય્હં…પે… વિહરામિ અનાસવો.

૪૯. ‘‘સ્વાગતં વત મે આસિ…પે… કતં બુદ્ધસ્સ સાસનં.

૫૦. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ઘોસસઞ્ઞકો થેરો ઇમા ગાથાયો

અભાસિત્થાતિ.

ઘોસસઞ્ઞકત્થેરસ્સાપદાનં અટ્ઠમં.