૧૦. પદુમધારિકત્થેરઅપદાનં

૭૮. ‘‘હિમવન્તસ્સાવિદૂરે, રોમસો નામ પબ્બતો;

બુદ્ધોપિ સમ્ભવો નામ, અબ્ભોકાસે વસી તદા.

૭૯. ‘‘ભવના નિક્ખમિત્વાન, પદુમં ધારયિં અહં;

એકાહં ધારયિત્વાન, ભવનં પુનરાગમિં.

૮૦. ‘‘એકતિંસે ઇતો કપ્પે, યં બુદ્ધમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૮૧. ‘‘કિલેસા ઝાપિતા મય્હં…પે… વિહરામિ અનાસવો.

૮૨. ‘‘સ્વાગતં વત મે આસિ…પે… કતં બુદ્ધસ્સ સાસનં.

૮૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પદુમધારિકો થેરો ઇમા ગાથાયો

અભાસિત્થાતિ.

પદુમધારિકત્થેરસ્સાપદાનં દસમં.

ફલદાયકવગ્ગો દ્વેપઞ્ઞાસમો.