૬. અમ્બાટકિયત્થેરઅપદાનં

૩૬. ‘‘સુપુપ્ફિતં સાલવનં, ઓગય્હ વેસ્સભૂ મુનિ;

નિસીદિ ગિરિદુગ્ગેસુ, અભિજાતોવ કેસરી.

૩૭. ‘‘પસન્નચિત્તો સુમનો, અમ્બાટકમપૂજયિં;

પુઞ્ઞક્ખેત્તં અનુત્તરં [મહાવીરં (સી. સ્યા.)], પસન્નો સેહિ પાણિભિ.

૩૮. ‘‘એકતિંસે ઇતો કપ્પે, યં પુપ્ફમભિરોપયિં;

દુગ્ગતિ નાભિજાનામિ, બુદ્ધપૂજાયિદં ફલં.

૩૯. ‘‘કિલેસા ઝાપિતા મય્હં…પે… વિહરામિ અનાસવો.

૪૦. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૧. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા અમ્બાટકિયો થેરો ઇમા ગાથાયો

અભાસિત્થાતિ.

અમ્બાટકિયત્થેરસ્સાપદાનં છટ્ઠં.