૩. પાટિહીરસઞ્ઞકત્થેરઅપદાનં

૨૬. ‘‘પદુમુત્તરો નામ જિનો, આહુતીનં પટિગ્ગહો;

વસીસતસહસ્સેહિ, નગરં પાવિસી તદા.

૨૭. ‘‘નગરં પવિસન્તસ્સ, ઉપસન્તસ્સ તાદિનો;

રતનાનિ પજ્જોતિંસુ [પનાદિંસુ (પી.)], નિગ્ઘોસો આસિ તાવદે.

૨૮. ‘‘બુદ્ધસ્સ આનુભાવેન, ભેરી વજ્જુમઘટ્ટિતા;

સયં વીણા પવજ્જન્તિ, બુદ્ધસ્સ પવિસતો પુરં.

૨૯. ‘‘બુદ્ધસેટ્ઠં નમસ્સામિ [ન પસ્સામિ (સી.)], પદુમુત્તરમહામુનિં;

પાટિહીરઞ્ચ પસ્સિત્વા, તત્થ ચિત્તં પસાદયિં.

૩૦. ‘‘અહો બુદ્ધો અહો ધમ્મો, અહો નો સત્થુસમ્પદા;

અચેતનાપિ તુરિયા, સયમેવ પવજ્જરે.

૩૧. ‘‘સતસહસ્સિતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, બુદ્ધસઞ્ઞાયિદં ફલં.

૩૨. ‘‘કિલેસા ઝાપિતા મય્હં…પે… વિહરામિ અનાસવો.

૩૩. ‘‘સ્વાગતં વત મે આસિ…પે… કતં બુદ્ધસ્સ સાસનં.

૩૪. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પાટિહીરસઞ્ઞકો થેરો ઇમા ગાથાયો

અભાસિત્થાતિ.

પાટિહીરસઞ્ઞકત્થેરસ્સાપદાનં તતિયં.