૧૦. અમ્બફલિયત્થેરઅપદાનં

૮૧. ‘‘પદુમુત્તરબુદ્ધસ્સ, લોકજેટ્ઠસ્સ તાદિનો;

પિણ્ડાય વિચરન્તસ્સ, ધારતો ઉત્તમં યસં.

૮૨. ‘‘અગ્ગફલં ગહેત્વાન, વિપ્પસન્નેન ચેતસા;

દક્ખિણેય્યસ્સ વીરસ્સ, અદાસિં સત્થુનો અહં.

૮૩. ‘‘તેન કમ્મેન દ્વિપદિન્દ [દિપદિન્દ (સી. સ્યા. પી.)], લોકજેટ્ઠ નરાસભ;

પત્તોમ્હિ અચલં ઠાનં, હિત્વા જયપરાજયં.

૮૪. ‘‘સતસહસ્સિતો કપ્પે, યં દાનમદદિં તદા;

દુગ્ગતિં નાભિજાનામિ, અગ્ગદાનસ્સિદં ફલં.

૮૫. ‘‘કિલેસા ઝાપિતા મય્હં…પે… વિહરામિ અનાસવો.

૮૬. ‘‘સ્વાગતં વત મે આસિ…પે… કતં બુદ્ધસ્સ સાસનં.

૮૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા અમ્બફલિયો થેરો ઇમા ગાથાયો અભાસિત્થાતિ;

અમ્બફલિયત્થેરસ્સાપદાનં દસમં.

એકવિહારિવગ્ગો ચતુચત્તાલીસમો.