૩. ઉદુમ્બરફલદાયકત્થેરઅપદાનં

૧૫. ‘‘વિનતાનદિયા તીરે, વિહાસિ પુરિસુત્તમો;

અદ્દસં વિરજં બુદ્ધં, એકગ્ગં સુસમાહિતં.

૧૬. ‘‘તસ્મિં પસન્નમાનસો, કિલેસમલધોવને;

ઉદુમ્બરફલં ગય્હ, બુદ્ધસેટ્ઠસ્સદાસહં.

૧૭. ‘‘એકનવુતિતો કપ્પે, યં ફલમદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૧૮. ‘‘કિલેસા ઝાપિતા મય્હં…પે… વિહરામિ અનાસવો.

૧૯. ‘‘સ્વાગતં વત મે આસિ…પે… કતં બુદ્ધસ્સ સાસનં.

૨૦. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ઉદુમ્બરફલદાયકો થેરો ઇમા ગાથાયો અભાસિત્થાતિ.

ઉદુમ્બરફલદાયકત્થેરસ્સાપદાનં તતિયં.