૭. ચિતકપૂજકત્થેરઅપદાનં

૩૮. ‘‘પરિનિબ્બુતે ભગવતિ, જલજુત્તમનામકે;

આરોપિતમ્હિ ચિતકે, સાલપુપ્ફમપૂજયિં.

૩૯. ‘‘સતસહસ્સિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, ચિતપૂજાયિદં ફલં.

૪૦. ‘‘કિલેસા ઝાપિતા મય્હં…પે… વિહરામિ અનાસવો.

૪૧. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ચિતકપૂજકો થેરો ઇમા ગાથાયો અભાસિત્થાતિ.

ચિતકપૂજકત્થેરસ્સાપદાનં સત્તમં.