૫. અઙ્કોલપુપ્ફિયત્થેરઅપદાનં

૧૬. ‘‘પદુમો નામ સમ્બુદ્ધો, ચિત્તકૂટે વસી તદા;

દિસ્વાન તં અહં બુદ્ધં, સયમ્ભું અપરાજિતં [ઉપગચ્છિહં (સી. સ્યા.)].

૧૭. ‘‘અઙ્કોલં પુપ્ફિતં દિસ્વા, ઓચિનિત્વાનહં તદા;

ઉપગન્ત્વાન સમ્બુદ્ધં, પૂજયિં પદુમં જિનં.

૧૮. ‘‘એકત્તિંસે ઇતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૧૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા અઙ્કોલપુપ્ફિયો થેરો ઇમા ગાથાયો અભાસિત્થાતિ.

અઙ્કોલપુપ્ફિયત્થેરસ્સાપદાનં પઞ્ચમં.