૩. ભિસમુળાલદાયકત્થેરઅપદાનં

૮. ‘‘ફુસ્સો નામાસિ સમ્બુદ્ધો, સબ્બધમ્માન પારગૂ;

વિવેકકામો સબ્બઞ્ઞૂ [સપ્પઞ્ઞો (સી. સ્યા.)], આગઞ્છિ મમ સન્તિકે.

૯. ‘‘તસ્મિં ચિત્તં પસાદેત્વા, મહાકારુણિકે જિને;

ભિસમુળાલં પગ્ગય્હ, બુદ્ધસેટ્ઠસ્સદાસહં.

૧૦. ‘‘દ્વેનવુતે ઇતો કપ્પે, યં ભિસમદદિં તદા;

દુગ્ગતિં નાભિજાનામિ, ભિસદાનસ્સિદં ફલં.

૧૧. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ભિસમુળાલદાયકો થેરો ઇમા ગાથાયો અભાસિત્થાતિ.

ભિસમુળાલદાયકત્થેરસ્સાપદાનં તતિયં.