૧૦. સળલપુપ્ફિયત્થેરઅપદાનં

૩૫. ‘‘ચન્દભાગાનદીતીરે, અહોસિં કિન્નરો તદા;

તત્થદ્દસં દેવદેવં, ચઙ્કમન્તં નરાસભં.

૩૬. ‘‘ઓચિનિત્વાન સળલં, પુપ્ફં બુદ્ધસ્સદાસહં;

ઉપસિઙ્ઘિ મહાવીરો, સળલં દેવગન્ધિકં.

૩૭. ‘‘પટિગ્ગહેત્વા સમ્બુદ્ધો, વિપસ્સી લોકનાયકો;

ઉપસિઙ્ઘિ મહાવીરો, પેક્ખમાનસ્સ મે સતો.

૩૮. ‘‘પસન્નચિત્તો સુમનો, વન્દિત્વા દ્વિપદુત્તમં;

અઞ્જલિં પગ્ગહેત્વાન, પુન પબ્બતમારુહિં.

૩૯. ‘‘એકનવુતિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૪૦. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સળલપુપ્ફિયો થેરો ઇમા ગાથાયો અભાસિત્થાતિ.

સળલપુપ્ફિયત્થેરસ્સાપદાનં દસમં.

મન્દારવપુપ્ફિયવગ્ગો સત્તતિંસતિમો.