૧. ગન્ધધૂપિયત્થેરઅપદાનં

૧. ‘‘સિદ્ધત્થસ્સ ભગવતો, ગન્ધધૂપં અદાસહં;

સુમનેહિ પટિચ્છન્નં, બુદ્ધાનુચ્છવિકઞ્ચ તં.

૨. ‘‘કઞ્ચનગ્ઘિયસઙ્કાસં, બુદ્ધં લોકગ્ગનાયકં;

ઇન્દીવરંવ જલિતં, આદિત્તંવ હુતાસનં.

૩. ‘‘બ્યગ્ઘુસભંવ પવરં, અભિજાતંવ કેસરિં;

નિસિન્નં સમણાનગ્ગં, ભિક્ખુસઙ્ઘપુરક્ખતં.

૪. ‘‘દિસ્વા ચિત્તં પસાદેત્વા, પગ્ગહેત્વાન અઞ્જલિં;

વન્દિત્વા સત્થુનો પાદે, પક્કામિં ઉત્તરામુખો.

૫. ‘‘ચતુન્નવુતિતો કપ્પે, યં ગન્ધમદદિં તદા;

દુગ્ગતિં નાભિજાનામિ, ગન્ધપૂજાયિદં ફલં.

૬. ‘‘પટિસમ્ભિદા ચતસ્સો, વિમોક્ખાપિ ચ અટ્ઠિમે;

છળભિઞ્ઞા સચ્છિકતા, કતં બુદ્ધસ્સ સાસનં’’.

ઇત્થં સુદં આયસ્મા ગન્ધધૂપિયો થેરો ઇમા ગાથાયો અભાસિત્થાતિ.

ગન્ધધૂપિયત્થેરસ્સાપદાનં પઠમં.