૩. સચ્ચસઞ્ઞકત્થેરઅપદાનં

૧૧. ‘‘વેસ્સભૂ તમ્હિ સમયે, ભિક્ખુસઙ્ઘપુરક્ખતો;

દેસેતિ અરિયસચ્ચાનિ, નિબ્બાપેન્તો મહાજનં.

૧૨. ‘‘પરમકારુઞ્ઞપત્તોમ્હિ, સમિતિં અગમાસહં;

સોહં નિસિન્નકો સન્તો, ધમ્મમસ્સોસિ સત્થુનો.

૧૩. ‘‘તસ્સાહં ધમ્મં સુત્વાન, દેવલોકં અગચ્છહં;

તિંસકપ્પાનિ દેવેસુ, અવસિં તત્થહં પુરે.

૧૪. ‘‘એકત્તિંસે ઇતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, સચ્ચસઞ્ઞાયિદં ફલં.

૧૫. ‘‘છબ્બીસમ્હિ ઇતો કપ્પે, એકો આસિં જનાધિપો;

એકફુસિતનામેન, ચક્કવત્તી મહબ્બલો.

૧૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સચ્ચસઞ્ઞકો થેરો ઇમા ગાથાયો અભાસિત્થાતિ.

સચ્ચસઞ્ઞકત્થેરસ્સાપદાનં તતિયં.