૮. મિઞ્જવટંસકિયત્થેરઅપદાનં

૩૯. ‘‘નિબ્બુતે લોકનાથમ્હિ, સિખિમ્હિ વદતં વરે;

વટંસકેહિ આકિણ્ણં, બોધિપૂજં અકાસહં.

૪૦. ‘‘એકત્તિંસે ઇતો કપ્પે, યં પૂજમકરિં તદા;

દુગ્ગતિં નાભિજાનામિ, બોધિપૂજાયિદં ફલં.

૪૧. ‘‘ઇતો છબ્બીસતિકપ્પે, અહું મેઘબ્ભનામકો;

સત્તરતનસમ્પન્નો, ચક્કવત્તી મહબ્બલો.

૪૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા મિઞ્જવટંસકિયો થેરો ઇમા ગાથાયો અભાસિત્થાતિ.

મિઞ્જવટંસકિયત્થેરસ્સાપદાનં અટ્ઠમં.