૯. એકચારિયત્થેરઅપદાનં

૫૧. ‘‘તાવતિંસેસુ દેવેસુ, મહાઘોસો તદા અહુ;

બુદ્ધો ચ લોકે નિબ્બાતિ, મયઞ્ચમ્હ સરાગિનો.

૫૨. ‘‘તેસં સંવેગજાતાનં, સોકસલ્લસમઙ્ગિનં;

સબલેન ઉપત્થદ્ધો, અગમં બુદ્ધસન્તિકં.

૫૩. ‘‘મન્દારવં ગહેત્વાન, સઙ્ગીતિ [સણ્હિતં (સી.), સઙ્ગિતં (સ્યા.)] અભિનિમ્મિતં;

પરિનિબ્બુતકાલમ્હિ, બુદ્ધસ્સ અભિરોપયિં.

૫૪. ‘‘સબ્બે દેવાનુમોદિંસુ, અચ્છરાયો ચ મે તદા;

કપ્પાનં સતસહસ્સં, દુગ્ગતિં નુપપજ્જહં.

૫૫. ‘‘સટ્ઠિકપ્પસહસ્સમ્હિ, ઇતો સોળસ તે જના;

મહામલ્લજના નામ, ચક્કવત્તી મહબ્બલા.

૫૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા એકચારિયો થેરો ઇમા ગાથાયો અભાસિત્થાતિ.

એકચારિયત્થેરસ્સાપદાનં નવમં.