૩. તતિયસિક્ખાપદવણ્ણના

૯૪૧. તતિયે – ઉળારસમ્ભાવિતાતિ ઉળારકુલા પબ્બજિતત્તા ગુણેહિ ચ ઉળારત્તા ઉળારાતિ સમ્ભાવિતા. ઇસ્સાપકતાતિ ઇસ્સાય અપકતા; અભિભૂતાતિ અત્થો. સઞ્ઞત્તિ બહુલા એતાસન્તિ સઞ્ઞત્તિબહુલા; દિવસં મહાજનં સઞ્ઞાપયમાનાતિ અત્થો. વિઞ્ઞત્તિ બહુલા એતાસન્તિ વિઞ્ઞત્તિબહુલા. વિઞ્ઞત્તીતિ હેતૂદાહરણાદીહિ વિવિધેહિ નયેહિ ઞાપના વેદિતબ્બા, ન યાચના.

૯૪૩. ચઙ્કમને નિવત્તનગણનાય આપત્તિયો વેદિતબ્બા. તિટ્ઠતિ વાતિઆદીસુ પયોગગણનાય. ઉદ્દિસતિ વાતિઆદીસુ પદાદિગણનાય. સેસં ઉત્તાનમેવ.

તિસમુટ્ઠાનં – કિરિયાકિરિયં, સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.

તતિયસિક્ખાપદં.